Námsmaður finnur upp„plast“ sem brotnar niður í náttúrunni, unnið úr dauðum fiskum

Plast safnast upp í náttúrunni. Nú hefur enskur námsmaður hins vegar fundið lausn á vandanum: Himnu sem brotnar niður í náttúrunni, gerða úr fiskúrgangi.

BIRT: 22/01/2021

LESTÍMI:

2 mínútur
Share on facebook

Náttúran ­- umhverfið

 

Lestími: 3 mínútur

Lucy Hughes var í námi við háskólann í Sussex þegar hún vann til hinna viðurkenndu James Dyson-verðlauna.

 

Verðlaunin hlaut hún fyrir að finna upp sérstakt efni sem kann að valda straumhvörfum ef það verður sett í fjöldaframleiðslu.

 

Efnið kallast MarinaTex en um er að ræða gegnsæja og náttúruvæna himnu sem hentar einkar vel í einnota umbúðir fyrir matvæli.

Hér má heyra Lucy lýsa því hvernig hún fann upp „fiskplastið“ sitt:

Það sem markar tímamót við efnið er að það er unnið úr fiskúrgangi sem að öðrum kosti hefði verið hent. Meginuppistöðuefnið er prótein úr innyflum, blóði, beinum og hreistri af fiski og öðrum sjávardýrum.

 

Próteininu úr fiskúrganginum er blandað saman við viðloðunarefni sem unnið er úr rauðum þörungum sem yfrið nóg er til af í sjónum og úr þessari blöndu verður teygjanlegt og sterkt efni sem minnir á plast.

Efnið líkist plasti en krefst mun minni orku

 

Langtum minni orka fer í framleiðslu á MarinaTex en á sambærilegum plastefnum. Sumt plast er framleitt við meira en 150 gráður á meðan MarinaTex er unnið við hitastig undir 100 gráðum.

Verkfræðineminn Lucy Hughes gerði tilraunir með bæði þang og kítósan (efni sem er unnið úr rækjuskeljum) þar til hún komst að raun um að rauðir þörungar væru ákjósanlegasta viðloðunarefnið fyrir lífrænu himnuna hennar.

Árið 2050 verður meira af plasti en fiski í sjónum, ef að líkum lætur. Hluta mengunarinnar verður unnt að hreinsa með hreinsunarframkvæmdum á borð við „The Ocean Cleanup“. Það leysir þó ekki mesta vandann sem er sá að við notum of mikið af plasti sem endar úti í náttúrunni. Fyrir vikið er allt kapp lagt á að finna upp ný efni sem nýtast okkur við verndun vistkerfanna.

 

Lucy Hughes sagði í viðtali við dagblaðið The Guardian:

 

„Plast er stórkostlegt efni og fyrir bragðið hafa hönnuðir og verkfræðingar tamið sér að nota það. Það er í raun út í hött að nota plast sem er ótrúlega endingargott efni í afurðir sem eiga að endast skemur en sólarhring.“

Einn þorskur verður að 1.400 innkaupapokum

 

Það var samt ekki þess vegna sem Lucy ákvað að þróa nýja efnið sitt.

 

Hún hafði nefnilega heyrt að Bretar losuðu sig við 172.000 tonn af fiskúrgangi árlega. Sé litið til alls heimsins er sennilega um að ræða 50 milljón tonn sem fara til spillis ár hvert.

 

Einn einasti þorskur getur breyst í 1.400 innkaupapoka úr MarinaTex og þeir eru meira að segja endingarbetri en venjulegir plastpokar úti í búð.

 

Verðlaunafénu ætlar Lucy Hughes að verja í frekari þróun á efninu og hún bindur nú vonir við að finna samstarfsaðila sem gera henni kleift að hefja framleiðslu á MarinaTex seinna á árinu.

 

 

Texti – Søren Høgh Ipland

BIRT: 22/01/2021

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is