Bandarískir sérfræðingar hafa þróað plástur og fyllt með efnum sem umbreyta svokallaðri hvítri fitu í brúna. Þannig hyggjast þeir fjarlægja tiltekna fituvefi líkamans.
Hvítur fituvefur er orkulager líkamans. Hann sest gjarnan á magann, lærin og mjaðmirnar og varðveitir þannig ofgnótt af orku.
Brún fita er hins vegar sjaldgæfari hjá fullorðnum. Hún er full af orkukornum og brennir fitu, t.d. þegar okkur er kalt.
Brúnar fitufrumur brenna feiknarlegu magni orku og því hafa vísindamenn í langan tíma unnið að þróun lyfja sem umbreyta hvítum fitufrumur í brúnar.
En vandinn við þau lyf er að aukaverkanir eru slæmar fyrir önnur líffæri.
Plástur sendir lyfin beint í fitugeymslur
Nú hefur bandarískum vísindamönnum tekist að hanna lyf fyrir útvaldar fitugeymslur hjá músum sem þjást af offitu.
Með plástri sem er þakinn agnarsmáum nálum fara nanóagnir með lyf inn undir húðina.
Plásturinn er þakinn röð nála, en hver þeirra er 300 sinnum 800 µm.
Vísindamennirnir límdu nýjan plástur á maga músanna þriðja hvern dag í fjórar vikur.
Fita músanna minnkaði um 20% þar sem plásturinn hafði verið og blóðsykur þeirra lækkaði umtalsvert.
Örnálar stinga fitufrumur með mikilli nákvæmni
Nýi plástur sérfræðinganna losar lyf til afmarkaðra svæða og þannig má forðast aukaverkanir.
