Skákmenn geta nú notað ritsímann

London, 1845: Í gær hófst nýr tími í sögu bréfskákarinnar. Hrifnir áhorfendur sáu þessa uppfinningu opna skáklistinni nýja möguleika.

BIRT: 04/11/2014

LESTÍMI:

< 1 mínútur
Share on facebook

Í gær safnaðist múgur og margmenni á Vauxhall-brautarstöðinni í London. Allt þetta fólk var saman komið til að verða vitni að stórfenglegum tímamótum og horfa á skák teflda um ritsíma.

 

Fólk hópaðist saman við taflborð framan við ritsímastöðina, en frá henni sendu bestu skákmeistarar landsins leikina á Morse-kóða til Gosport í 130 km fjarlægð.

 

Margir þekktir Bretar voru í skákliðinu í London en skákmeistarinn Howard Staunton var meðal andstæðinganna við hinn enda ritsímalínunnar. Það ríkti mikil spenna þennan vordag.

 

Allar efasemdir voru þurrkaðar út áður en sjálf skákin hófst, þegar einn áhorfenda lét senda skeyti til vinar síns sem ætlaði að fylgjast með í Gosport. Áhorfandinn spurði hvort vinurinn kæmist í mat í London fyrir kvöldið. „Já, klukkan 5.“ Þannig hljómaði svarið sem skömmu síðar tikkaði úr ritsímatækinu á Vauxhall-stöðinni.

 

Þetta reyndist þó ekki raunhæft, því skákin varð löng og leikur eftir leik barst um ritsímalínuna fram og til baka. Eftir sjö og hálfan tíma endaði skákin með jafntefli, sem olli bæði þátttakendum og áhorfendum nokkrum vonbrigðum.

 

Engu að síður hrifust menn mjög af þessum tímamótaviðburði, sem í einni svipan hefur breytt heiminum og ritsíminn hefur stytt tímann frá hugsun til aðgerðar svo um munar.
Fjarskák er út af fyrir sig ekki nýtt fyrirbrigði. Öldum saman hafa hástéttarmenn teflt bréfskák – t.d. tefldi Hinrik 1. Bretakonungur þannig við Lúðvík 6. Frakkakonung þegar á 12. öld.

 

En vegna þess hve bréf voru lengi að berast gátu liðið mörg ár áður en skákinni lauk. Með ritsímanum er því runninn upp nýr tími í sögu fjarskákarinnar.

 
 

BIRT: 04/11/2014

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is