Sé allri nóttinni varið í skemmtun eða vinnu, er það ekki ókeypis.
Svefn hvílir og endurnærir líkamann þannig að hann nái fullri virkni. Meðan við sofum gerist margt sem gerir við og viðheldur frumum og vefjum líkamans.
Skortur á svefni birtist því ekki aðeins sem þreyta, heldur hefur líka neikvæð áhrif á skaplyndi, tilfinningar og líkamlegt heilbrigði.
Einbeitingin skerðist
Heilinn þolir illa svefnleysi og það bitnar á andlegri getu, svo sem einbeitingarhæfni, minni og hæfni til að leysa úr vandamálum eða taka ákvarðanir.
Ósofið fólk hefur skertan viðbragðshraða og ásamt skertri heilagetu eykur það hættu á slysum.
Tilraunir hafa sýnt að eftir 24 tíma án svefns hefur meðvitund og hreyfifærni skerst ámóta mikið og ef viðkomandi væri með 1 prómill af áfengi í blóðinu.
Sólarhringur án svefns skerðir hreyfihæfnina álíka mikið og 1 prómill áfengis í blóði.
Svefnleysi raskar líka tilfinningalífi. Grunnt getur verið á pirringi og reiði og rannsóknir sýna líka auknar líkur á að þróa með sér kvíða.
Til viðbótar eru svo líkamlegar langtímaafleiðingar.
Líkamsklukka okkar segir fyrir um margvísleg efni. Mislangur svefn eða svefnleysi getur ruglað líkamsklukkuna og það eykur t.d. líkur á hjartasjúkdómum, sykursýki 2 og ofþyngd.
