1. Neanderdalsmenn höfðu sveigt bak
![](https://visindi.is/wp-content/uploads/2023/04/skelet.jpg)
Á grundvelli vel varðveittrar beinagrindar hafa svissneskir vísindamenn unnið nákvæmar eftirgerðir af hryggsúlu og mjaðmagrind Neanderdalsmanna og þær sýna að hryggjarliðirnir hafa raðast upp í S-form og veitt hryggnum alveg sömu lipurð og einkennir okkur sjálf.
Neanderdalsmenn hafa sem sagt haft ámóta jafnvægi og svipaðan líkamsburð og við.
2. Spjótin banvæn úr fjarlægð
![](https://visindi.is/wp-content/uploads/2023/04/shutterstock_243157279-e1573136967898.jpg)
Neanderdalsmenn lögðu að velli stór dýr, svo sem mammúta og vísindamenn hafa talið að þeir hafi þurft að komast í návígi og stinga spjótinu í bráðina.
Nú hafa spjótkastarar prófað eftirgerðir af 300.000 ára gömlu spjóti og í ljós kom að þau nýttust ágætlega sem kastvopn af 20 metra færi.
3. Hlýnun leiddi til mannáts
![](https://visindi.is/wp-content/uploads/2023/04/nea.jpg)
Fyrir 20 árum fundust í Frakklandi bein a.m.k. sex Neanderdalsmanna sem hafði verið slátrað til matar.
Nánari rannsóknir á staðnum sýna nú að líklegasta ástæða mannátsins er sú að á hlýindaskeiði fyrir 128 þúsund árum hafa hefðbundin veiðidýr nánast horfið.
4. Neanderdalsgen skapa lengri höfuðkúpur
![](https://visindi.is/wp-content/uploads/2023/04/neander.jpg)
Höfuðkúpa neanderdalsmanns til vinstri) og höfuðkúpa nútímamanns til hægri.
Fólk af evrópskum uppruna ber í sér dálítið erfðaefni frá Neandertalsmönnum vegna ævafornrar blöndunar.
Þýskum vísindamönnum hefur tekist að bera kennsl á tvö gen sem í Neanderdalsútgáfunni valda örlítið lengri höfuðkúpu en hjá fólki án þessarar útgáfu gensins.