Kjarnorkuver losa nær ekkert CO2, en skilja hins vegar eftir geislavirkan úrgang. Nú hafa vísindamenn við breska Lancaster University og Jožef Stefan stofnunina í Slóveníu fundið upp aðferð við að nýta úrganginn í framleiðslu á umhverfisvænu íblöndunarefni, sem getur gert bensínbíla grænni.
Aðferð þessi nýtir aukaafurðir við framleiðslu á lífdísel – díselolíu sem er ekki unnin úr hráolíu, heldur úr plöntuolíu. Við framleiðslu lífdísels verður efnið glýserín afgangs.
Framleiðsla á lífdísel fer vaxandi, glýserín er ódýrt og með efnaferlum má umbreyta því í isóprópýledenglýserín. Það er einnig nefnt “solketal” og má bæta í bensín til að hækka oktantölu þess, jafna brunann og draga úr losun sótagna og CO2.
LESTU EINNIG
Því miður er þetta efnaferli flókið og dýrt en vísindamenn hafa sýnt að solketal má einnig framleiða með því að nýta geislavirkni til að jóna glýserín, en geislavirku efnin eru úrgangsefni frá kjarnorkuverum.
Þannig má reisa solketal – verksmiðju nærri núverandi kjarnorkuverum og framleiða með ódýrum hætti mikið magn af þessu eftirsótta íblöndunarefni.
Úrgangsefni frá breskum kjarnorkuverum einum saman geta árlega veitt um 10.000 tonn af solketal og komið þannig í stað samsvarandi magn bensíns.
LESTU EINNIG
