Get ég farið í sólbað í gegnum gluggarúðu?

Ég neyðist til að vinna innanhúss allt sumarið en mig langar samt svo til að fá á mig brúnan lit. Er yfirleitt hægt að fara í sólbað í gegnum gluggarúðu?

BIRT: 14/06/2022

LESTÍMI:

< 1 mínútur
Share on facebook

Húðin getur raunar mætavel fengið á sig lit þó svo að við sitjum á bak við gluggarúðu. Sólbaðið tekur hins vegar lengri tíma en ella því gluggarúðan heftir stóran hluta útfjólubláu geislanna.

 

Þegar útfjólubláir geislar lenda á húðinni, framleiðir hún litarefnið melanín sem gerir hana dekkri. Melanínið drekkur í sig útfjólubláu geislana og ver með því móti húðina.

 

Til eru tvær gerðir útfjólublárra geisla, UVA og UVB.

 

UVB-geislar fela í sér mikla orku og auðvelda okkur að verða dökk og sólbrún. Þessir sömu geislar eru jafnframt ábyrgir fyrir flestum gerðum húðkrabbameins.

 

UVA-geislar eru vægari en geta þó engu að síður gert húðina brúna.

 

Geislar komast gegnum glerið

Gluggarúður hefta allt að 97% UVB-geislanna, en innan við 40% af UVA-geislum.

 

Rúðugerðin ræður því hversu mikið af útfjólubláum geislum kemst gegnum glerið. Gamlar gluggarúður hamla t.d. ekki eins miklu magni útfjólublárra geisla og við á um nýrri rúður, sem oft á tíðum samanstanda af nokkrum glerlögum eða eru jafnvel þaktar útfjólublárri síu.

 

Jafnvel þótt gluggarúður hefti nánast alla UVB-geisla þá er engu að síður hægt að öðlast  brúnan lit á húðina af völdum þeirra UVA-geisla sem komast í gegn. Það tekur einfaldlega bara lengri tíma.

 

Sólarljós örvar að sama skapi framleiðslu líkamans á D-vítamíni, en til að svo verði þurfum við að halda okkur utanhúss. Vítamínframleiðslan krefst nefnilega UVB-geisla sem rúðugler heftir.

 

BIRT: 14/06/2022

HÖFUNDUR: Jonas Grosen Meldal

HÖFUNDARÉTTUR MYNDA: Shutterstock

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is