Helvíti á jörð er í Austur-Afríku

Hitastigið yfir 50°C, bullandi sýruvötn og gróðursnauðar saltsléttur – Dallol í Eþíópíu er einn af fáum stöðum á jörðu þar sem lífið nær ekki fótfestu.

BIRT: 26/01/2022

LESTÍMI:

< 1 mínútur
Share on facebook
Þrýstingur og hiti skjóta súru saltvatni upp úr jörðinni.

Dallol-jarðhitasvæðið í Eþíópíu er síbreytilegt vegna mikillar eldvirkni. Undir niðri streymir glóandi heitt gasríkt vatn sem myndar svo mikinn þrýsting að brimsaltir sýruhverir gjósa í gegnum yfirborðið.

Brennisteinn og járn lita svæðið gult

Undir forystu örverufræðingsins Puri López-García taka vísindamenn sýni úr óvistlegu vatninu. Þegar vatnið gufar upp í hitanum verður saltið eftir í mismunandi myndum. Guli liturinn stafar af brennisteini og járni sem hvarfast smám saman við súrefni.

Uppgufað vatn skilur eftir skúlptúra

Vatnsborðið breytist dag frá degi þannig að fjölbreytt saltform myndast og hverfa á ný. Vísindamenn líkja Dallol-jarðhitasvæðinu við listasafn þar sem sýningin breytist á hverjum degi.

Bláir logar lýsa upp nóttina

Af óþekktum ástæðum kviknaði í brennisteinssallanum eina nótt. Dularfullir bláir logar stóðu upp úr jörðinni ásamt gufum af ætandi brennisteinssýru. Fyrirbæri þetta er vel þekkt frá Kawah Ijeh-eldfjallinu í Indónesíu en hefur einungis sést einu sinni á Dallol-jarðhitasvæðinu.

Járn litar vatnið rautt

Heitar uppsprettur í Dallol bjóða upp á fjölbreytilega litapallettu. Áður en vatnið nær upp á yfirborðið er það hitað upp af kvikuvösum í jörðinni sem innihalda margvíslega málma, t.d. járnsambönd sem lita hverina í rauðum litabrigðum.

Svartavatn rannsakað úr fjarlægð

Hátt innihald af magnesíumklóríði veitir Svartavatni lit sinn. Þetta bullandi vatn er með pH-gildið 1,4 og er afar ætandi, þannig að þegar sýni eru tekin úr því og dýpt þess mæld þarf að gera það úr viðeigandi fjarlægð.

Yfir daginn nær hitastigið sjaldan undir 45°C.

Saltsléttan sem umlykur Dallol-svæðið er eitt heitasta svæði jarðar. Jafnvel um vetur nær hitastigið yfir 45°. Vísindamenn safna sýnum í ljósaskiptunum í leitinni að fornbakteríum, afar þrautseigum örverum.

BIRT: 26/01/2022

HÖFUNDUR: Morten Kjerside Poulsen

HÖFUNDARÉTTUR MYNDA: Olivier Grunewald

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is