Skortur á loftaflsfræðilegri aðlögun
Flugtækni hunangsflugunnar er hreint afleit og hún verður að beita afli til að vega upp á móti skorti á loftaflsfræðilegri aðlögun á flugi sínu. Þetta segja vísindamenn við Oxford-háskóla í Englandi eftir að hafa rannsakað tegundina Bombus terrestris.
Þeir komu hunangsflugum fyrir í vindgöngum með aðlaðandi frjókornablómum. Þegar flugurnar tóku stefnuna á blómin slepptu vísindamennirnir reyk inn í vindgöngin.
Reykurinn sýndi greinilega hvers konar lofthvirfla vængjasláttur flugnanna myndaði. Vænhreyfingarnar voru teknar upp með háhraðamyndavélum sem taka 2.000 myndir á sekúndu.
Yfirleitt reyndust vinstri og hægri vængur hreyfast hvor í sínu lagi og þessi skortur á samhæfni olli því að vængjaslátturinn náði ekki að drífa flugurnar áfram af þeim krafti sem annars er algengast að sjá hjá fljúgandi dýrategundum.
Drápsvespur: Öll Evrópa í hættu – „Éta nánast hvað sem er“
Evrópskar hunangsbýflugur eru undir árás frá asískum risavespum. En býflugurnar hafa fengið liðsauka fræðimanna sem fyrirhuga bæði efnahernað og loftárásir gegn kvikindunum.
