Það er óhætt að segja að Adolf Hitler hafi hagnast ágætlega á útgáfu Mein Kampf.
Þessi pólitíska stefnuskrá var skrifuð þegar Hitler afplánaði níu mánaða fangelsisdóm fyrir misheppnaða valdaránstilraun árið 1924. Bókin kom út 1925 og kostaði þá um 4.700 núvirtar kr.
Skrifunum var einkum beint til meðlima nasistaflokksins en Hitler hafði verið leiðtogi hans frá árinu 1921. Þegar Hitler var valinn kanslari árið 1933 margfaldaðist áhugi manna á bókinni. Meðan 9.000 eintök höfðu selst árið 1925, þá seldust heil 850.000 eintök árið 1933.
Boðskapur úr Mein Kampf:
Gyðingar munu yfirtaka heiminn og eru í slagtogi við vinstrisinnaða flokka – m.a. sósíaldemókrata.
Þjóðverjar þurfa lebensraum – lífsrými – og því ber að innlima lönd í austri.
Lýðræði er gagnslaust og á sök á eymd Þýskalands, því pólitískir tækifærissinnar geta náð völdum.
Þá greip nastistaflokkurinn til þess ráðs að fylla vasa Hitlers með fjármunum úr ríkiskassanum, t.d. ákvað flokkurinn að allir hermenn og nýgiftir skyldu fá bókina að gjöf.
Hitler fékk tíund af verði bókarinnar í sinn hlut og gjörningurinn færði honum þegar best lét um 1.600 milljónir kr. á ári.
Mein Kampf varð á endanum svo vinsæl að árið 1939 var upplagið 5,2 milljónir á 11 tungumálum.
Myndband: Mein Kampf varð metsölubók – árið 2016
Eftir stríðið fékk Bæjaraland höfundarréttinn en valdi að banna prentun hennar.
Höfundarrétturinn rann síðan út árið 2015 og þá kom út ný útgáfa með um 3.500 neðanmálsgreinum.
LESTU EINNIG
