STÆRSTI HUNDUR HEIMS
Samkvæmt Heimsmetabók Guinness heitir stærsti núlifandi hundur heims – mældur á hæðina – Atlas Seay.
Hundurinn býr í Gergíu, BNA, með eigenda sínum Spencer Seay og fjölskyldu hennar. Atlas er af ræktunarafbrigðinu stórdana og mælist heilir 1,03 m frá þófum og upp á herðakamb.
Hundur eins og Atlas ber einnig ansi mörg kíló – reyndar 102 slík – og nú orðinn svo stór að hann kemst ekki lengur inn í fjölskyldubílinn.
Þrátt fyrir að Atlas sé hæsti núlifandi hundurinn, er hann ekki stærsti hundur sem hefur verið mældur.
Sá titill tiheyrir hundinum Zeus, sem árið 2011 var mældur af Heimsmetabók Guinness og reyndist vera heilir 1,11 metri upp á herðakamb. Zeus gaf því miður upp öndina árið 2014 þegar hann var fimm ára gamall.
Myndband: Hittið Zeus – stærsta hund sögunnar:
Zeus vóg meira en 70 kg og át um eitt kíló af fóðri daglega. Hann varð aðeins fimm ára gamall.
FIMM STÆRSTU HUNDAKYN HEIMS
Þrátt fyrir að bæði stærsti núlifandi hundur heims og stærsti hundur sögunnar séu stórdanar, þýðir það ekki að stórdani sé að meðaltali stærsta hundakynið.
Hér að neðan gefur að líta nokkur stærstu hundakynin í heiminum – meðaltal hæðar frá þófum upp á herðakamb.
1. Írskur úlfhundur
Írski úlfhundurinn er að meðaltali stærsta hundakyn heims.
- Meðaltal hæðar: 86 sm
Stærsta hundakyn heims er írski úlfhundurinn. Hann er stundum kallaður blíði beljakinn og er ákaflega trygglyndur förunautur. Hundur er upprunninn – eins og nafnið gefur til kynna – frá Írlandi. Þar var hann framan af notaður til að berjast við úlfa og var m.a.s. notaður í hernaði.
Í stríði gat hundurinn jafnvel ráðist á riddara og þvingað þá af hestbaki. Núna lifir írski úlfhundurinn friðsælu lífi, einkum í sveitinni, enda þarf hann mikið rými til að hlaupa um og ærslast.
2. Pýrenahundur
Pýrenahundurinn kemur, eins og nafnið gefur til kynna, frá frönsku Pýrenafjöllunum.
- Meðaltal hæðar: 81 sm
Pýrenahundurinn er ekki bara hávaxinn – hann er einnig stór og mikill um sig með sinn mikla feld. Auðvelt er að rugla honum saman við sauðfé af löngu færi, sem þeir voru ræktaðir til að verja allt frá bronsöld.
Til þess að tengja hundakynið við sauðfé var algengt að taka hvolpana frá móðurinni og kom þeim fyrir innan um kindurnar. Fyrir vikið leit hundurinn svo á að þær tilheyrðu fjölskyldunni og hundurinn bægði úlfum óhræddur frá sauðfénu.
Pýrenahundar eru þrjóskir og einráðir, enda eru þeir ræktaðir til að taka skjótar ákvarðanir þegar þeir gæta sauðfjársins.
3. Enskur mastiff
Enskur mastiff er á stærð við smáhest.
- Meðaltal hæðar: 80 sm
Rekja má enska mastiffinn allt aftur til Rómaveldis og líklega hafa verslunarmenn flutt hann til Englands. Hundakyn þetta hefur verið notað sem varð- og veiðihundar, en hann á sér einnig ofbeldisfyllri fortíð því vitað er að hann var einnig notaður í hernaði.
Enski mastiffinn var nærri aldauða eftir seinni heimsstyrjöldina, þegar hundaat var bannað. Hundakynið hefur hlotið nokkra endurreisn sem fjölskylduhundur á síðari tímum eftir að menn uppgötvuðu mildari hliðar enska mastiffsins, sem voru ræktaðar fram.
4. Stórdani
Stærsti hundur heims er stórdaninn, en kynið er ekki það hávaxnasta að meðaltali.
- Meðaltal hæðar: 76 sm
Þrátt fyrir að nafnið hljómi danskt þá er stórdaninn upprunninn í Þýskalandi, þar sem hann var kynbættur sem helsti veiðihundur aðalsins. Stórdaninn var einnig notaður í hernaði.
Meðalhæð hundakynsins er 76 sm, sem sumir hundar verða mun stærri. Stórdaninn er því með metið sem stærsti núlifandi hundurinn og jafnframt stærsti hundur sögunnar.
En þessi mikla stærð ætti ekki að hræða mann. Þrátt fyrir að stórdani geti virst vera ansi ógnvænlegur, þá er hann afar blíður og góður fjölskylduhundur.
5. Greyhound
Með sína einkennandi líkamsbygginu er auðvelt að bera kennsl á greyhound.
Meðaltal hæðar: 76 sm
Greyhound líkist meira veðhlaupahesti en hundi. Og það er engin tilviljun.
Hundakynið var ræktað fyrir veiðar og hundaveðhlaup, enda er grayhound hraðasta hundakynið og getur ná 70 km/klst hámarkshraða.
Greyhound má rekja 4.000 ár f.Kr. aftur í tímann, þar sem sjá má þennan auðþekkjanlega hund á veggmálverkum frá þeim tímum. Síðar var hundakynið að stöðutákni í Englandi og í mörg ár mátti aðeins elítan rækta þá.
Greyhound er frábær fjölskylduhundur og alls ekki eins ör og ætla mætti – þvert á móti eru þeir frakar latir.
En passið upp á hin gæludýr heimilissins. Greyhound er nefnilega alræmdur fyrir að elta upp ketti.
