Hvers vegna byggði fólk bylgjótta múra?

Í 400 ár hafa Englendingar byggt bylgjulagaða múra utan um garða sína. En Englendingar voru alls ekki fyrstir til að fá þessa snjöllu hugmynd – hún er ættuð frá suðlægari breiddargráðum.

BIRT: 26/07/2022

LESTÍMI:

2 mínútur
Share on facebook

Á mörgum stöðum í austurhluta Englands geta ferðamenn séð bylgjulagaða múra sem hlykkjast í gegnum landslagið. Þessir sérkennilegu múrveggir hafa fengið þessa lögun vegna þess að þá verða þeir mun stöðugri heldur en beinir múrveggir með jafn mörgum hleðslusteinum. Eins þola þeir langtum betur hliðarþrýsting þegar stormar geisa, meðan beinir múrar myndu hrynja niður.

 

Slíkir múrar eru gjarnan byggðir í kringum aldingarða, því þeir veita viðkvæmum afurðum – eins og t.d. vínviði og fíkjutrám – betra skjól.

 

Af sömu ástæðum liggja þeir jafnan frá austri til vesturs. Þannig snýr ein hlið þeirra móti sól og getur dregið í sig mikið af hita sólargeislanna. Þegar sól er sest gefa veggirnir frá sér hita sem gagnast aldingróðri.

Forn Egyptar vissu að bylgjaðir veggir þurfa færri steina til að vera stöðugir en beinir veggir.

Egyptar byggðu einnig bylgjulagða múra

Talið er að hollenskir verkfræðingar hafi flutt þetta byggingarlag með sér á 17. öld, þegar þeir voru ráðnir til að ræsa fram flæðilönd í austanverðu Englandi.

 

En hugmyndin um slíka bylgjótta múra er hvorki ensk né hollensk. Nýlegar fornleifarannsóknir sýna að Forn-Egyptar byggðu slíka múra fyrir einhverjum 3.500 árum.

 

Í apríl 2021 tilkynntu egypskir fornleifafræðingar að þeir væru búnir að grafa upp risastórar rústir bæjar nærri borginni Luxor sem er talinn vera frá því um 1350 f.Kr. Margir af þeim múrum sem hlykkjast í gegnum rústirnar minna furðu mikið á múrveggina sem voru byggðir í Englandi um 3.000 árum síðar.

BIRT: 26/07/2022

HÖFUNDUR: Emrah Sütcü

HÖFUNDARÉTTUR MYNDA: © Khaled Desouki/AFP/Ritzau Scanpix

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is