1. ÞÚSUNDFÆTLA Á STÆRÐ VIÐ BIFREIÐ
Arthropleura
2,7 metrar
Stærsta skorkvikindi allra tíma skreið um fyrir hartnær 326 milljón árum. Þúsundfætlan sem tilheyrði Arthropleura-tegundinni, var 2,7 metrar á lengd, 55 cm á breidd og vó um 50 kg. Steingerð dýr þessarar tegundar sem fundist hafa í Norður-Englandi og Þýskalandi gefa til kynna að dýrið hafi verið samsett úr 76 liðum.
2. MANNHÆÐARHÁR SPORÐDREKI
Jaekelopterus rhenaniae
2,5 metrar
Vatnasporðdrekinn Jaekelopterus rhenaniae var u.þ.b. 2,5 metrar á lengd og sjálfar klærnar voru 35 cm langar. Þetta risavaxna rándýr lifði einkum í ósöltu vatni fyrir 444-416 milljón árum en steingervingar hafa fundist í Norður-Ameríku og Þýskalandi.
3. ELDGAMALT RISALIÐDÝR
Aegirocassis benmoulai
2 metrar
Fyrir einum 480 milljón árum kom fram á sjónarsviðið ein fyrsta risaætan sem notaði síu til að sigta fæðuna úr vatni, líkt og hvalir gera þegar þeir gleypa og sía sjó frá lítilli bráð. Liðdýrið Aegirocassis benmoulai var tveir metrar á lengd og tilheyrði dýrategund sem nefnist radiodonta. Steingervingurinn fannst í Marokkó.
4. RISINN FRÁ KAMBRÍUTÍMABILINU
Omnidens amplus
1,5 metrar
Þegar hin svokallaða kambríska sprenging átti sér stað fyrir 520 milljón árum fjölgaði dýrategundunum svo um munaði. Stærsta dýrið var omnidens amplus sem var 1,5 metri á lengd og veiddi bráðina með göddum í skoltinum. Steingervingar hafa fundist í Kína.
5. FLJÚGANDI RISI
Meganeura permiana
71 cm
Risadrekaflugan lifði fyrir um 300-275 milljón árum og er vænghaf hans talið hafa numið 71 cm, lengd búksins verið 43 cm og dýrið mun hafa vegið 450 g sem gerir dýrið að stærsta fljúgandi skordýri sem uppi hefur verið. Til samanburðar má geta þess að stærstu núlifandi drekaflugur eru með 11 cm vænghaf og vega um 30 g.
