Blóðbaðið í Jonestown átti sér stað hinn 18. nóvember 1978, þegar rösklega 900 meðlimir sértrúarsafnaðarins Peoples Temple frömdu fjöldasjálfsmorð í frumskóginum í Guyana.
Meðlimir sértrúarreglunnar voru leiddir í opinn dauðann af leiðtoganum Jim Jones – fyrrum presti sem sett hafði á stofn trúarreglu á sjötta áratugnum sem grundvallaðist bæði á kristinni trú og kommúnisma. Settar voru á laggirnar nokkrar deildir í Kaliforníu sem löðuðu að sér mörg þúsund fylgjendur.
Jim Jones áleit sig vera eins konar blöndu af Jesú Kristi og Lenín.
Prestur breyttist í morðóðan trúarleiðtoga
Maðurinn að baki Jonestown-fjöldasjálfsmorðunum, Jim Jones, var sjálfskipaður prestur og yfirlýstur kommúnisti.
Á árunum upp úr 1950 lagði hann grunn að Peoples Temple, reglu sem barðist fyrir félags- og kynþáttajöfnuði og laðaði einkum að sér ungt fólk sem hreifst af persónutöfrum leiðtogans.
Þegar frá leið þróaðist kirkjan yfir í sértrúarsöfnuð með Jones sem einráðan, vænisjúkan leiðtoga, jafnframt því sem sífellt fleiri sögur heyrðust um misnotkun á safnaðarmeðlimum. Þegar Jones hafði leitt ríflega 900 manns í opinn dauðann skaut hann sig í höfuðið.
Starfsemi trúarreglunnar á vinstri vængnum varð þess valdandi að fjölmiðlarnir fylgdust grannt með Peoples Temple og árið 1977 ákvað Jones að flytjast með trúarhóp sinn til Guyana í Suður-Ameríku og setja þar á laggirnar draumasamfélag sem hann kallaði Jonestown.
Stuttu eftir flutninginn bárust fréttir af því að meðlimunum væri haldið föngnum og árið 1978 kom nefnd á vegum bandaríska ríkisins í búðir Jones til að rannsaka ásakanirnar. Meðan á heimsókninni stóð lét Jones sitt fólk myrða fimm af fulltrúum nefndarinnar.
Sjáðu loftmyndir frá fjöldasjálfsmorðsstaðnum.
Jonestown var á einangruðum stað í frumskóginum um 250 km frá höfuðborginni Georgetown.
Meðal hinna látnu voru margir eldri borgarar og mörg börn. Alls um 30 prósent þeirra 909 sem létust voru börn.
Skálinn var miðpunktur dagslegs lífs í Jonestown. Hér átti sér stað ýmiss konar sameiginleg starfsemi, svo sem eins og kennsla í sósíalisma og þar voru einnig sýndar áróðursmyndir frá Sovétríkjunum.
Eitrið sem dró 909 meðlimi sértrúarsafnaðarins til dauða samanstóð af safa, sem blásýru, valíum og vímuefnum hafði verið bætt út í. Eiturblöndunni var sprautað upp í munninn á börnunum en fullorðnir fengu banvæna blönduna úr bollum sem dýft var í stórt málmfat
Eitrið dró fólkið til dauða á 20-30 mínútum.
Jonestown var á einangruðum stað í frumskóginum um 250 km frá höfuðborginni Georgetown.
Meðal hinna látnu voru margir eldri borgarar og mörg börn. Alls um 30 prósent þeirra 909 sem létust voru börn.
Skálinn var miðpunktur dagslegs lífs í Jonestown. Hér átti sér stað ýmiss konar sameiginleg starfsemi, svo sem eins og kennsla í sósíalisma og þar voru einnig sýndar áróðursmyndir frá Sovétríkjunum.
Eitrið sem dró 909 meðlimi sértrúarsafnaðarins til dauða samanstóð af safa, sem blásýru, valíum og vímuefnum hafði verið bætt út í. Eiturblöndunni var sprautað upp í munninn á börnunum en fullorðnir fengu banvæna blönduna úr bollum sem dýft var í stórt málmfat
Eitrið dró fólkið til dauða á 20-30 mínútum.
Hljóðupptökur frá Jonestown leiddu í ljós að leiðtoginn hafði tilkynnt fylgjendum sínum að herinn myndi ráðast til atlögu innan skamms og að þau neyddust til að fremja „byltingarsinnað sjálfsmorð“.
Sjá myndband frá Jonestown eftir fjöldamorðið:
Síðan hvatti hann fylgjendur sína til að taka inn eitraða blöndu, úr m.a. blásýru, á meðan vopnaðir menn héldu vörð. Þegar yfirvöld mættu á staðinn næsta dag blöstu við þeim lík 909 safnaðarmeðlima sem eitrað hafði verið fyrir í frumskógarbúðunum.
