Ljósfyrirbrigðið „airglow“ eða himinglóð er þunnt lýsandi lag á himni, sem getur verið mismunandi að lit, en það ræðst af sameindum í lofti.
Himinglóð stafar af því að sterkt sólskin yfir daginn getur sundrað loftsameindum.
Þegar frumeindirnar ná aftur að mynda sameindir að nóttu til, senda þær frá sér daufa birtu, oft græn- eða rauðleita, glóð sem veldur því himinninn er aldrei alveg svartur.
Himinglóð séð frá Alþjóðageimstöðinni ISS.
Loftlögin skila mismunandi litum
Græn himinglóð stafar af súrefni í um 80 km hæð. Nokkru hærra, eða í nálægt 95 km hæð, myndar súrefnið daufa, bláleitaa glóð. Enn ofar, í 200-300 km hæð er glóð súrefnisins rauð.
Í 80-90 km hæð geta vatnssameindir gefið af sér rauða glóð. En það er natríum sem myndar gula himinglóð.
Við kjöraðstæður getur verið unnt að sjá þetta fyrirbrigði með berum augum.
Leiðbeiningar um himinglóð
Svona gerir þú
HVENÆR?
Viljir þú sjá himinglóð, skaltu finna þér myrkan stað og því sem næst á nýju tungli (þegar tunglið sést ekki). Farðu í fyrsta lagi klukkutíma eftir sólsetur en eftir það getur himinglóð sést alla nóttina.
HVAR?
Auðveldast er að koma auga á himinglóð svo sem 20° yfir sjóndeildarhring. Fyrirbrigðið er örþunnt og sést því betur skáhallt gegnum gufuhvolfið en ef t.d. er horft beint upp í himininn.
HVERNIG?
Ef þú vilt ná mynd af himinglóð þarftu að hafa ljósopið lengið opið, t.d. í 30 sekúndur, til að myndavélin nái að safna meira ljósi. Þannig sýnir myndin líka betur liti og myndanir á himni.
Nýtt tungl
Dagsetningar fyrir nýtt tungl til vors 2023
- 23. desember 2022.
- 21. janúar 2023.
- 20. febrúar 2023.
- 21. mars 2023.
- 20. apríl 2023.
- 19. maí 2023.
LESTU EINNIG
