Stærsta seglskip heims með flugvængi

Stóru, olíuknúnu fragtskipin fá nú samkeppni frá umhverfisvænni farartækjum. Svíar hyggjast sjósetja 200 metra langt seglskip 2024.

BIRT: 06/06/2023

LESTÍMI:

2 mínútur

Eftir 100 ára siglingar kola- og síðar dísilknúinna skipa, snúa seglskipin nú aftur með talsvert breyttu sniði. Sænskir verkfræðingar eru að þróa stærsta seglskip heims eftir nýrri hugmynd sem byggist á fimm seglum sem eru í lögun svipuð og flugvélavængir.

 

Skipið á að heita Oceanbird og fara á flot strax árið 2024. Fyrsta verkefnið verður að sigla yfir Atlantshaf. Nú annast um 450 skip flutninga á þessari leið og brenna um 40.000 tonnum af olíu á degi hverjum.

Þegar það verður fullbúið árið 2024 verður hið 200 metra Oceanbird stærsta skipið sem er knúið með vindi.

Oceanbird verður 12 daga á leiðinni. Það er lengri tími en olíuknúnu skipin þurfa en á móti sparast 90% af þeim gróðurhúsalofttegundum sem olíuknúið skip blæs upp í loftið.

7.000 bíla á seglskipið Oceanbird að geta flutt yfir Atlantshaf í hverri ferð. Í góðum byr tekur ferðin 12 daga.

Seglskipið verður 32.000 tonn að þyngd, 200 metra langt og 40 metra breitt og seglin formuð í hylki líkt og sjónauki og hægt að renna þeim saman og sundur.

 

Seglin lækkuð undir brúm

Í fullri hæð ná seglin 80 metra upp úr skipinu og í 105 metra hæð yfir sjávarborði. Í lægstu stöðu verður samanlögð hæð skipsins hins vegar aðeins 45 metrar. Svo mikið verða seglin aðeins lækkuð í hávaðaroki og svo þegar sigla þarf undir brýr.

Seglin á skipinu Oceanbird eru formuð eins og flugvélavængir. Þau eru líka í hlutum sem hægt er að fella hvern niður í annan og geta þannig náð 45-100 metra yfir hafflötinn.

Að smíðinni standa fyrirtækið Wallenius Marine, ráðgjafarstofan SSPA og Konunglegi tækniháskólinn í Stokkhólmi.

 

Að sögn er erfiðasti hluti hönnunarinnar fólginn í því að fá skrokkinn og seglin til að mynda eina heild gagnvart lögmálum loftaflfræðinnar og ná þannig mesta mögulegum hraða.

 

Myndskeið: Sjáðu hvernig segl skipsins virka:

Seglin verða gerð úr stáli og blöndunarefnum og hægt verður að snúa þeim heilan hring, þannig að alltaf verði unnt að nýta vindinn eins og best verður á kosið. Hámarkshraðinn verður 10 hnútar eða um 19 km/klst.

 

Skipið verður búið varavél sem mögulega verður rafknúin. Hana á þó einunigs að nota þegar snúa þarf skipinu á litlu svæði og t.d. sigla inn í eða út úr höfn.

BIRT: 06/06/2023

HÖFUNDUR: Jens Matthiesen

HÖFUNDARÉTTUR MYNDA: © oceanbirdwallenius.com

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is