Eftir fjölda rannsókna eru vísindamenn sammála um að Miðjarðarhafsmataræði sé eitt það hollasta sem völ er á. Það dregur úr hættu á fjölmörgum sjúkdómum, þar á meðal hjarta- og æðasjúkdómum.
Miðjarðarhafsmataræði byggist meðal annars á mikilli neyslu ávaxta, grænmetis, hneta og ólífuolíu. Fiskur, vín og mjólkurvörur eru neytt í hófi en neysla mettaðrar fitu, kjöts og mikið unninna matvæla er takmörkuð.
Í rannsókn einni var fylgst með rúmlega 30.000 konum í tíu ár. Niðurstöðurnar sýndu að þær sem fylgdu Miðjarðarhafsmataræði voru 26 prósent ólíklegri til að fá blóðtappa en þær sem borðuðu slíkan mat í minna mæli.
Fjöldi annarra rannsókna hefur sömuleiðis sýnt skýr tengsl milli Miðjarðarhafsmataræðis og lægri dánartíðni.
Ávinningurinn skýrist meðal annars af því að mataræðið stuðlar að lægri líkamsþyngdarstuðli (BMI), lækkar blóðþrýsting og kólesteról og dregur úr bólgum í líkamanum.
Jafnvel lítið magn af Miðjarðarhafsmataræði dregur úr hættu á blóðtöppum
Tölur sýna að á Spáni, Ítalíu og í Frakklandi er dánartíðni af völdum blóðtappa í hjarta með því lægsta sem gerist í Evrópu.
Það er þrátt fyrir að íbúarnir fylgi ekki endilega Miðjarðarhafsmataræði í hvívetna.
Í ítalskri rannsókn frá 2023 kom fram að aðeins um 5 prósent landsmanna fylgdu mataræðinu að miklu leiti, 11 prósent fylgdu því lítið sem ekkert en meirihlutinn neytti Miðjarðarhafsmataræðis í hófi.
Miðjarðarhafsmataræði verndar gegn hjartasjúkdómum
Dánartíðni af völdum blóðtappa í hjarta er mun lægri í Miðjarðarhafslöndunum en að meðaltali í Evrópu. Tölurnar sýna fjölda dauðsfalla af hverjum 100.000 íbúum.
ESB: Karlar: 54,1 – Konur: 24,1 – Spánn: Karlar: 36,7 Konur: 15,6 – Frakkland: Karlar: 26,8
Konur: 10,5 – Ítalía: Karlar: 35,6 Konur: 16,3
