Margir halda að köngulær, einkum þær sem spinna vefi, lifi nánast einvörðungu á flugum, en það er alrangt. Köngulær lifa á hvers kyns skordýrum, allt frá smæstu mýflugum upp í stór fiðrildi og hrossaflugur.
Köngulær þessa heims éta árlega 400-800 milljón tonn af skordýrum, lirfum og öðrum smádýrum, sem að öðrum kosti myndu leggja undir sig akra og garða og eyðileggja uppskeru.
![](https://visindi.is/wp-content/uploads/2021/10/edderkoppekanibal-e1554277718837.jpg)
Köngulær af ættinni Pholcidae éta aðrar köngulær. Þrátt fyrir fremur veikburða útlit hafa þær t.d. í fullu tré við fullvaxnar húsaköngulær.
Köngulær geta verið án matar vikum saman
Sumar tegundir, þeirra á meðal köngulær af ættinni Pholcidae, hafa m.a.s. sérhæft sig í að veiða og éta aðrar köngulær. Þessar köngulær eru upprunnar í Suður-Evrópu en hafa nú breiðst út, m.a. til Norðurlanda.
Köngulær geta sem best lifað af þar sem engin önnur smádýr er að finna. Sveltilistin er þeim nefnilega í blóð borin og allt eftir tegundum og umhverfi þola þær matarleysi vikum eða jafnvel mánuðum saman.