Á þessu þekkjast siðblindar konur

Flestir siðblindingjar eru karlmenn en konurnar eru bæði mun stjórnsamari og um leið háttvísari og lævísari en siðblindir karlmenn. Þær geta jafnvel verið hættulegri.

BIRT: 28/04/2022

LESTÍMI:

2 mínútur
Share on facebook

Almennt er talið að 0,5-1% fólks þjáist af þeirri persónuleikaröskun sem lýsir sér sem félagsleg lesblinda og við köllum almennt einfaldlega siðblindu.

 

Bíómyndapersónur á borð við Hannibal Lecter eða Patrick Bateman eru í huga margra hin fullkomnu dæmi um siðblinda einstaklinga – siðblinda karlmenn. Og flestar rannsóknir á þessu sviði benda líka til þess að flestir siðblindingjar séu karlmenn.

 

Við tökum miklu síður eftir siðblindum konum en það er hins vegar full ástæða til að vera á varðbergi gagnvart þessari persónuleikaröskun í konum.

Lævís stjórnun siðblindra kvenna

Siðblind kona er ólík siðblindum karlmanni að fjölmörgu leyti. Það er einkum talið einkenna siðblinda karlmenn að vera heillandi í framkomu, hvatvísir, hafa mikið sjálfstraust en skorta hæfni til að sýna samkennd eða eftirsjá.

 

Bæði í bandarískri rannsókn og annarri norskri eru eftirfarandi eiginleikar taldir einkenna siðblindar konur.

 

  • Daður

 

  • Stjórnsemi

 

  • Víla ekki fyrir sér að stela og svíkja

 

  • Sýna árásargjarnan talsmáta

 

  • Einangra fórnarlömb sín frá félagslegri umgengni

 

  • Óstöðugt tilfinningalíf

 

  • Afbrýðisemi

 

  • Valda sýnilegum áverkum á sjálfum sér

 

Öðruvísi en siðblindir karlmenn

Siðblindar konur beita sjaldnast beinu ofbeldi en viðhafa heldur ekki jafn heillandi framkomu né hafa jafn ofboðslegt sjálfsálit og siðblindir karlmenn.

 

Það er siðblindum konum hins vegar sameiginlegt að vera mun lævísari en karlkyns siðblindingjar, t.d. við að ná stjórn á öðrum.

 

Og það er einmitt þetta sem bandaríski sálfræðingurinn Seth Meyers undirstrikar, í viðtali við Psychology Today, hvað valdi því að siðblindar konur geti verið hættulegri en karlmenn. Við erum alls ekki vön því að líta á konur sem siðblindar, hvorki í félagslegu né samfélagslegu samhengi.

 

Seth Meyers nefnir sem dæmi að fæstir myndu nokkru sinni láta sér detta í hug að kvenkyns hjúkrunarfræðingur gæti verið siðblindingi, þvert á móti virðist okkur kona í slíku starfi vera umhyggjan uppmáluð.

 

Engu að síður getur einmitt þetta starf veitt siðblindri konu tækifæri til að fá útrás fyrir leyndar niðurrifstilhneigingar sínar – sem gæti á endanum valdið alveg jafn miklum skaða og ofbeldi karlmanna.

BIRT: 28/04/2022

HÖFUNDUR: KARINE KIRKEBÆK

HÖFUNDARÉTTUR MYNDA: Shutterstock

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is