Snjókorn erfa samhverft form frá byggingarlagi vatnssameinda. Þessi sexhyrnda lögun stafar af því að sex vatnssameindir mynda hringform saman.
Þetta grundvallarbyggingarlag er þar með flatt og vegna þess að tengingarnar milli sameindanna í þessari grunnuppbyggingu eru miklu sterkari en tengingar milli laga, taka kristallarnir einmitt á sig flata lögun.
Sexhyrnda og samhverfa byggingarlagið myndar þannig fyrst og fremst tvívítt form en ekki þrívítt.
Vatnssameindir raða sér sex saman
1. Raki tengist jaðrinum
Snjókorn er ískristall sem myndar sexhyrnda samhverfu meðan það stækkar. Snjókornið stækkar þannig að nýjar vatnssameindir í lofti binda sig við jaðrana.
2. Formið kemur að innan
Á fagmáli kallast þetta sexhyrnda form líka hexagon. Formið stafar af þeim sexhyrndu hringum sem vatnssameindir mynda saman og leggur grunn að kristöllunum.
3. Frumeindir mynda horn
Í vatnssameind er ein stór súrefnisfrumeind og tvær litlar vetnisfrumeindir sem mynda ákveðið horn sín á milli. Þetta horn veldur því að einmitt sex sameindir tengjast saman í hring.
Ekki eru þó öll snjókorn flöt. Hvernig lögunin verður í smáatriðum, ræðst líka af örlitlum breytingum á loftraka og hitastigi.
Litlar, flatar stjörnur myndast þegar hiti er nálægt frostmarki. Á bilinu -3°C til -10°C verða til langar nálar. En þegar frostið er komið niður fyrir 10 gráður verða aftur til flatar stjörnur, bara mun stærri.
Þar eð stök snjókorn lenda í mismunandi aðstæðum á leið sinni til jarðar stækka þau á mismunandi vegu. Þess vegna er líka nokkuð til í því að ekki séu öll snjókorn eins.
En til eru ýmis grundvallarform sem sjá má aftur og aftur. Sérfræðingar segja að þessi grunnform séu ekki færri en 35.
LESTU EINNIG
