Svefnleysi getur orsakað dökka bauga og poka undir augunum.

Þegar við þreytumst slaknar á vöðvunum. Húðin umhverfis augun er þunn, laus og teygjanleg og fyrir vikið sést vökvauppsöfnun í líkamanum best þar.

Eftir því sem árunum fjölgar glatar bandvefurinn undir augunum að sama skapi sveigjanleika sínum sem eykur enn á vandann. Dökkir baugar og pokar undir augum eru þó fyrst og fremst ættgengir.

Hægt er að fyrirbyggja myndun bauga með heilbrigðu líferni. Þá er einnig unnt að koma í veg fyrir vökvauppsöfnun með því að hafa hátt undir höfði í svefni.