Það er vissulega sjaldgæft en þó er til fólk með mislit augu. Fyrirbrigðið getur verið meðfætt, en getur líka komið upp síðar á ævinni.

Melanín ákveður augnlitinn

Augnliturinn ræðst af því hve mikið af litarefninu melaníni er að finna í lithimnu augans. 

Sé aðeins lítið af efninu í lithimnunni verður augað bláleitt, meira litarefni skapar grænleit eða ljósbrún augu, en mikið melanín skapar auganu dökkbrúnan lit.

Fyrirbrigðið getur verið tengt erfðum, en getur líka myndast í tengslum við sjúkdóma, svo sem langvinnar bólgur í lithimnunni.

Augndropar geta breytt litnum

Þessu til viðbótar er í augndropum, sem notaðir eru við ákveðnum augnsjúkdómum, svo sem gláku, að finna efni, sem geta haft áhrif á litarefni í lithimnunni.

Og ef auga skaddast geta blæðingar skilið eftir sig dökkar járnútfellingar á lithimnunni.

Auga getur haft tvo ólíka liti