Húðflúr verkjastillandi
Margt bendir til þess að hinn 5.000 ára gamli múmíu-maður frá Ölpunum hafi verið húðflúraður af því að hann var verkjaður. Meginhluti af 61 húðflúri Ötzis voru á liðamótum þar sem slitgigt kvaldi hann; mjöðmum, hnjám, úlnliðum og ökklum. Sérfræðingar telja því að húðflúrið hafi átt að virka eins og yfirnáttúruleg verkjastilling.
Á vinstri úlnlið voru tvö samhliða húðflúr gerð með sóti.
Frumstæð húðflúrtækni
Greiningar sýna að húðflúrið var gert úr sóti frá trjákolum sem Ötzi kann að hafa skrapað af með steini. Ólíkt húðflúri nútímans sem er gert með því að stinga litarefnum niður undir húðina var tæknin á tímum Ötzis öllu frumstæðari: litlar, djúpar ristur voru skornar í húðina og annað hvort hann eða einhver töfralæknir hefur nuddað sóti í sárið, þannig að liturinn náði djúpt niður í húðina.
Húðflúr Ötzis eru jafnan litlir krossar eða litlir skurðir í húðina en á vinstri úlnlið myndar það tvo heila hringi líkt og armband.
