Hjörtur snýr aftur til Kína. Skottúr til Englands kom Davíðshirtinum til bjargar.
Síðasti Davíðshjörturinn í Kína var skotinn til bana árið 1905. Til allrar hamingju hafði jarlinn af Bedford í Englandi flutt inn örfá dýr þessarar tegundar skömmu áður. Alls átján dýr voru flutt heim til Kína árið 1985 en þau hafa nú fjölgað sér allverulega síðan og í dag lifa alls 700 Davíðshirtir úti í náttúrunni í Kína.
Japanar útrýmdu þjóðarfuglinum. Sjö stakir fuglar fundust í Kína.
Þrátt fyrir að japanski íbís-fuglinn sé þjóðarfugl Japana drapst síðasti fuglinn sem lifði úti í náttúrunni í Japan árið 2003. Þökk sé sjö fuglum sem fundust í Kína er eitt hundrað íbís-fuglum nú sleppt út í náttúruna árlega eftir að hafa klakist út í útungunarstöðvum.
Minni kolanotkun kom heimskautarefnum til bjargar. Einungis fjögur got komust á legg árið 1999.
Heimskautarefurinn er algerlega háður því að leggja sér til munns læmingja. Súrt regn af völdum kolaorkuvera olli því að læmingjastofninn minnkaði allverulega með þeim afleiðingum að heimskautarefurinn þurrkaðist nærri því út. Færri kolaorkuver í Englandi gagnast nú refunum við að ná sér á strik aftur.
Vísundar lifa góðu lífi í Póllandi. Vísundar lifa nú úti í náttúrunni í Evrópu í fyrsta sinn í 250 ár.
Evrópskum vísundum hafði fækkað niður í 13 dýr. Árið 1952 var vísundum svo sleppt lausum í Bialowieza-skóginum í Póllandi og mildir vetur undanfarinna áratuga hafa haft einkar vænleg áhrif á þessi 900 kg þungu dýr, svo nú lifa þar alls 4.000 dýr.
Gæsir sigruðust á innrásarsveitunum. Svín og rottur lögðu Hawaii undir sig.
Hawaii-gæsin er sjaldséðasta gæs jarðar. Eftir að mennirnir fluttu með sér svín, ketti, hunda og rottur til Hawaii fækkaði gæsunum niður í einungis 30 fugla árið 1952. Þessir fuglar náðust lifandi og voru aldir í búrum, með þeim afleiðingum að nú lifa þar alls 2.500 gæsir.
Sauðnaut snúa aftur til Svíþjóðar Hægfara dýr voru auðveld bráð veiðimanna.
Sauðnaut lifðu á gjörvöllu heimskautasvæðinu en eftir umfangsmiklar veiðar var dýrin einungis að finna á Norður-Grænlandi og á eyjunum fyrir utan Kanada. Nú er verið að sleppa sauðnautum á tilteknum stöðum en sökum þess að margar aldir eru liðnar frá því að þau lifðu úti í náttúrunni eru þau álitin vera ágeng tegund í Svíþjóð.
Arnarungar grillaðir á háspennuvírum. Kanínuskortur olli hungursneyð.
Á árunum milli 1980 og 1990 drápust átta af hverjum tíu gammarnarungum af því að fljúga á háspennuvíra. Gammernir lifa einkum á kanínum og þegar þeim tók að fækka á sama tímabili, munaði minnstu að gammörninn yrði útdauður. Allt kapp er nú lagt á að breyta fyrirkomulagi háspennuleiðslanna með þeim afleiðingum að stofninn stækkar sem nemur sjö hundraðshlutum á ári.
Villihestar á beit á gresjunni. Przewalskis-hestarnir endurvekja „Serengeti Evrópu“.
Przewalskis-hestunum fækkaði niður í einungis sex dýr en hestur þessi gegnir afar mikilvægu hlutverki í dag, því honum, ásamt krónhjörtum og frumnautgripum, er ætlað að eiga hlut í að endurvekja „Serengeti Evrópu“, gríðarstór gresjusvæði sem ætluð verða fyrir þúsundir villtra dýrategunda.
Ofveiði var stunduð á arabísku steppuantílópunni. Útrýmingarflokkunin breyttist til hins betra.
Arabísku steppuantílópunni var útrýmt í náttúrunni á árunum upp úr 1970, sökum ofveiða. Þökk sé einkar velheppnuðu ræktunarátaki varð steppuantílópan fyrsta tegund heims sem öðlaðist flokkunina „í útrýmingarhættu“ eftir að hafa verið skilgreind sem „útdauð í náttúrunni“.
Hjörtur snýr aftur til Kína. Skottúr til Englands kom Davíðshirtinum til bjargar.
Síðasti Davíðshjörturinn í Kína var skotinn til bana árið 1905. Til allrar hamingju hafði jarlinn af Bedford í Englandi flutt inn örfá dýr þessarar tegundar skömmu áður. Alls átján dýr voru flutt heim til Kína árið 1985 en þau hafa nú fjölgað sér allverulega síðan og í dag lifa alls 700 Davíðshirtir úti í náttúrunni í Kína.
Japanar útrýmdu þjóðarfuglinum. Sjö stakir fuglar fundust í Kína.
Þrátt fyrir að japanski íbís-fuglinn sé þjóðarfugl Japana drapst síðasti fuglinn sem lifði úti í náttúrunni í Japan árið 2003. Þökk sé sjö fuglum sem fundust í Kína er eitt hundrað íbís-fuglum nú sleppt út í náttúruna árlega eftir að hafa klakist út í útungunarstöðvum.
Minni kolanotkun kom heimskautarefnum til bjargar. Einungis fjögur got komust á legg árið 1999.
Heimskautarefurinn er algerlega háður því að leggja sér til munns læmingja. Súrt regn af völdum kolaorkuvera olli því að læmingjastofninn minnkaði allverulega með þeim afleiðingum að heimskautarefurinn þurrkaðist nærri því út. Færri kolaorkuver í Englandi gagnast nú refunum við að ná sér á strik aftur.
Vísundar lifa góðu lífi í Póllandi. Vísundar lifa nú úti í náttúrunni í Evrópu í fyrsta sinn í 250 ár.
Evrópskum vísundum hafði fækkað niður í 13 dýr. Árið 1952 var vísundum svo sleppt lausum í Bialowieza-skóginum í Póllandi og mildir vetur undanfarinna áratuga hafa haft einkar vænleg áhrif á þessi 900 kg þungu dýr, svo nú lifa þar alls 4.000 dýr.
Gæsir sigruðust á innrásarsveitunum. Svín og rottur lögðu Hawaii undir sig.
Hawaii-gæsin er sjaldséðasta gæs jarðar. Eftir að mennirnir fluttu með sér svín, ketti, hunda og rottur til Hawaii fækkaði gæsunum niður í einungis 30 fugla árið 1952. Þessir fuglar náðust lifandi og voru aldir í búrum, með þeim afleiðingum að nú lifa þar alls 2.500 gæsir.
Sauðnaut snúa aftur til Svíþjóðar Hægfara dýr voru auðveld bráð veiðimanna.
Sauðnaut lifðu á gjörvöllu heimskautasvæðinu en eftir umfangsmiklar veiðar var dýrin einungis að finna á Norður-Grænlandi og á eyjunum fyrir utan Kanada. Nú er verið að sleppa sauðnautum á tilteknum stöðum en sökum þess að margar aldir eru liðnar frá því að þau lifðu úti í náttúrunni eru þau álitin vera ágeng tegund í Svíþjóð.
Arnarungar grillaðir á háspennuvírum. Kanínuskortur olli hungursneyð.
Á árunum milli 1980 og 1990 drápust átta af hverjum tíu gammarnarungum af því að fljúga á háspennuvíra. Gammernir lifa einkum á kanínum og þegar þeim tók að fækka á sama tímabili, munaði minnstu að gammörninn yrði útdauður. Allt kapp er nú lagt á að breyta fyrirkomulagi háspennuleiðslanna með þeim afleiðingum að stofninn stækkar sem nemur sjö hundraðshlutum á ári.
Villihestar á beit á gresjunni. Przewalskis-hestarnir endurvekja „Serengeti Evrópu“.
Przewalskis-hestunum fækkaði niður í einungis sex dýr en hestur þessi gegnir afar mikilvægu hlutverki í dag, því honum, ásamt krónhjörtum og frumnautgripum, er ætlað að eiga hlut í að endurvekja „Serengeti Evrópu“, gríðarstór gresjusvæði sem ætluð verða fyrir þúsundir villtra dýrategunda.
Ofveiði var stunduð á arabísku steppuantílópunni. Útrýmingarflokkunin breyttist til hins betra.
Arabísku steppuantílópunni var útrýmt í náttúrunni á árunum upp úr 1970, sökum ofveiða. Þökk sé einkar velheppnuðu ræktunarátaki varð steppuantílópan fyrsta tegund heims sem öðlaðist flokkunina „í útrýmingarhættu“ eftir að hafa verið skilgreind sem „útdauð í náttúrunni“.
