1. Hákarl
392 ár
Kaldsjávarhákarlinn sem lifir einkum við Ísland, Grænland og Noreg getur orðið allt að 400 ára og telst því eiga aldursmetið. Með nýlegri aðferð hafa augasteinar verið aldursgreindir við Kaupmannahafnarháskóla og 2016 reyndist einn slíkur 392 ára.
2. Aldarbra-skjaldbaka
255 ára
Árið 1757 var ungur aldabraskjaldbökukarl tekinn í fóstur á herrasetri Bretans Roberts Clive á Indlandi. 1875 var hann fluttur í Aliporidýragarðinn á Indlandi, þar sem nýrnabilun varð honum að aldurtila, líklega um 255 ára aldur.
3. Rauðgulur búri
230 ára
Nýsjálenski líffræðingurinn Peter Horn rannsakaði heyrnarbein rauðgulra búrfiska 2019. Með C-14 aldursgreiningu komst hann að þeirri niðurstöðu að þessi vinsæli matfiskur geti orðið allt að 230 ára.
4. Grænlandssléttbakur
211 ára
1999 voru 48 Grænlandssléttbakar aldursgreindir út frá sýnum af amínósýrum í augnvef. Elsta dýrið var að líkindum 211 ára. Langt líf skíðishvala gæti stafað af hæfni til að laga genagalla og komast þannig hjá krabbameini.
5. Sebastes aleutanius
205 ára
Bandaríski líffræðingurinn Kristen M. Munk aldursgreindi árið 2000 allmarga fiska af tegundinni Sebastus aleutanius. Fiskarnir veiddust á mörg hundruð metra dýpi undan strönd Alaska. Vaxtarlög í heyrnarbeinum sýndu að sá elsti var 205 ára.
