Er það rétt að nefið og eyrun stækki alla ævi?

Því hefur oft verið fleygt að eyru okkar og nef haldi áfram að stækka alla ævina. Á þetta við rök að styðjast?

BIRT: 12/03/2022

LESTÍMI:

2 mínútur
Share on facebook

„Eyru þín og nef halda áfram að stækka alla ævina“. Þetta hefur oft heyrst, en ef marka má læknisfræðileg rit er enginn fótur fyrir staðhæfingunni.

 

Að öllu jöfnu stöðvast vöxtur þessara líffæra þegar við að öðru leyti höfum náð fullri stærð, sem í flestum tilvikum er kringum 16 eða 18 ára aldur.

 

Þess vegna pössum við yfirleitt í sömu skóna alla ævi.

 

Þyngdaraflið togar í eyrun

Engu að síður virðist oft sem svo að eyrun og nefið haldi áfram að vaxa þegar við eldumst.

 

Ef marka má suma vísindamenn er ástæðan sú að þyngdaraflið togar andlit okkar niður á við með þeim afleiðingum að allt, einnig nef og eyru, sígur niður með árunum og líffæri þessi virðast fyrir vikið stærri.

 

Aðrir fræðimenn halda því fram að eyru og nef í raun stækki með árunum sökum þess að vefurinn verði slappari.

 

Slappur vefurinn láti sem sé eyru og nef virðast lengri, en ekki sé um að ræða stækkun, líkt og við þekkjum úr barnæsku þegar við lengjumst og þreknumst.

 

Ef marka má gamla enska rannsókn sem gerð var við Royal College of General Practitioners lengjast eyrun sem samsvarar 0,22 millímetrum á ári.

 

Sjúkdómar geta valdið stækkun

Þá er einnig um að ræða tiltekna sjúkdóma sem truflað geta vöxt tiltekinna líkamshluta.

 

Innkirtlasjúkdómurinn æsavöxtur, sem orsakast af æxli í heiladingli, býr um sig í líkamanum í fimm til tíu ár með þeim afleiðingum að andlit, fætur og hendur stækka hægt og örugglega.

 

Æsavöxtur er einkar sjaldséður sjúkdómur sem getur valdið því að líkamshlutar á borð við hendur, fætur, tungu og enni taka að stækka.

Ef sjúkdómurinn er ekki meðhöndlaður geta breytingarnar orðið geigvænlegar. Meðferðin er oft fólgin í skurðaðgerðum, sem og lyfjagjöf.

BIRT: 12/03/2022

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is