Svona afhjúpar þú tölvugert andlit

Tölvur nota fullkomin „tauganet“ til að skapa andlitsmyndir sem virðast alveg ekta, en vísindamenn hafa nú uppgötvað eitt atriði sem afhjúpar hvort myndin er ekta eða tölvugerð.

BIRT: 05/08/2022

LESTÍMI:

2 mínútur
Share on facebook

Með sérstakri tækni er orðið bæði fljótlegt og ódýrt að skapa svo eðlilegar andlitsmyndir að það er nánast ógerningur að aðgreina þær frá raunverulegum ljósmyndum.

 

Þessar fölsku andlitsmyndir eru t.d. notaðar á falska prófíla á samfélagsmiðlum, þegar ætlunin er að dreifa tilteknum boðskap eða svíkja fé út úr fólki.

 

Nú hafa vísindamenn hjá ríkisháskólanum í New York þó fundið eitt atriði sem í langflestum tilvikum getur skorið úr um hvort myndin er ekta eða fölsk.

Hvaða andlit eru tölvugerð? Tvö þessara fjögurra andlita eru tölvugerð og hin tvö raunverulegt fólk. Hvaða tvö andlit eru fölsuð? Sjá svarið hér að neðan.

Tæknin sem notuð er við að gera falskar myndir nefnist GAN (Generative Adversial Network) og líkir eftir tauganeti þar sem tvö kerfi takast á.

 

Annað forritið reynir að skapa mynd út frá þekkingu sinni á andlitsmyndum, en hitt forritið reynir að afhjúpa svindlið. Fyrra forritið leiðréttir þá þau mistök sem fundust og þetta er endurtekið þar til afhjúpunarforritið finnur enga galla.

 

Á sekúndubroti er með þessu móti unnt að gera mynd sem lítur út fyrir að vera alveg ósvikin. Bandarísku vísindamennirnir fundu veikleika í GAN-kerfinu.

LESTU EINNIG

Í augasteinunum leyndist nær alltaf villa. Í veruleikanum eru augasteinarnir skýrt afmarkaðir og hringlaga eða örlítið sporöskjulaga. GAN-augasteinar eru öðru vísi útlits.

 

Með miklum aðdrætti má finna ójöfnur í tölvugerðu augasteinunum eða útlínurnar renna saman við lithimnuna sem umkringir linsu augans og gefur auganu lit.

Þegar við þysjum inn kemur munurinn berlega í ljós. Hjá raunverulegu fólki eru augasteinar hringlaga og skýrt afmarkaðir. Tölvugerðu andlitin eru númer 2 og 3.

Vísindamennirnir þróuðu aðferð til að bera sjálfkrafa kennsl á tölvugerð augu, en sú aðferð verður trúlega slegin út áður en langt um líður.

 

Þegar nú hefur komist upp um þennan veikleika, munu háþróaðri kerfi skapa fullkomnari augasteina. Og þá þurfa vísindamenn að byrja aftur og reyna að finna aðra veikleika.

BIRT: 05/08/2022

HÖFUNDUR: EBBE RASCH

HÖFUNDARÉTTUR MYNDA: Shutterstock,© Bod Inga Klang, Owlsmcgee & Shutterstock

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is