Ennis- og kinnholurnar eru loftfyllt holrúm í beinum andlitsins og er hlutverk þeirra einkum að ljá innanverðu nefinu raka.
Þá má einnig nefna þá staðreynd að þær minnka þyngd höfuðkúpunnar og virka jafnframt sem eins konar endurómsrými sem ljær röddinni hljóm sinn.
Vernda gegn höggum á höfuðið
Ennis- og kinnholurnar eru einnig sagðar gegna hlutverki eins konar höggpúða fyrir andlitið ef það skyldi verða fyrir hnjaski, jafnframt því að sjá augunum og tannrótunum fyrir einangrun þegar örar hitabreytingar verða í umhverfinu.
Við mennirnir fæðumst nánast án nokkurra ennis-og kinnhola en þær stækka alla barnæskuna, svo og seinna meir í lífinu, með því móti að beinvefurinn brotnar smám saman niður.
Nefholurnar samanstanda af fjórum loftfylltum holrúmum í beinum andlitsins.
Nefholur geta haft í för með sér tannpínu
Sýking: Þegar við kvefumst geta göngin sem losa slím úr nefholunum gegnum nefið, stíflast og sýking myndast.
Tannpína: Kinnkjálkaholurnar undir augunum eru mjög nálægt jöxlunum í efri gómnum. Verði sýkingar vart hér getur hún breiðst út til tannrótanna og leitt af sér tannpínu.
