Hversu margt tónlistarfólk þjáist af heyrnarskerðingu?

Fær margt atvinnutónlistarfólk eyrnasuð?

BIRT: 26/04/2021

LESTÍMI:

2 mínútur
Share on facebook

Maðurinn – líkaminn

Lestími: 1 mínúta

 

Heyrnarskemmdir, m.a. eyrnasuð (læknisfræðilegt heiti: tinnitus), er afar algengur atvinnusjúkdómur meðal atvinnufólks á sviði tónlistar.

 

Rannsóknir hafa leitt í ljós að um 30% af öllu rokk- og popplistarfólki hefur orðið fyrir varanlegri heyrnarskerðingu en reyndar er hlutfallið enn hærra sé litið til sígildrar tónlistar því alls 52% hljóðfæraleikara á sviði klassíkur þjáist af heyrnarskerðingu.

 

Skynfrumur skaddast

 

Eyrnasuð er nær alltaf tengt slælegri heyrn og því er lýst sem hljóði í eyra sem ekki á rætur að rekja utan líkamans. Heilinn fær með öðrum orðum boð um hljóð sem er ekki fyrir hendi.

 

Þetta gerist þegar skynfrumurnar, þ.e. fíngerðu hárin í innra eyranu, skaddast af völdum endurtekinna háværra hljóðáhrifa.

 

Eyrnasuð er engan veginn alltaf eins. Um getur verið að ræða viðvarandi hljóð eða þá hljóð sem kemur og fer. Það kann að vera í öðru eða báðum eyrum og getur lýst sér sem hvinur, niður eða eins konar vélarhljóð.

 

Fleiri og fleiri þjást af eyrnasuði

 

Talið er að eyrnasuð hafi aukist verulega á undanförnum árum, bæði meðal tónlistarfólks og þeirra sem stunda tónleika af krafti.

 

Ekki þykir ólíklegt að ýmsir eyrnaskaðar geri vart við sig eftir því sem magnarar, hátalarar og tækjabúnaður verður betri.

 

Áður fyrr var ekki hægt að láta tónlistina heyrast vel, jafnframt því að hækka allt í botn, og þetta gerði það eðlilega að verkum að færri en ella urðu fyrir heyrnarskerðingu.

 

Ekki er til nein kraftaverkalækning gegn eyrnasuði en nú á dögum er beitt nýrri sálfræðimeðferð sem gengur út á það að breyta upplifun sjúklinganna á hljóðinu.

 

Þekktir tónlistarmenn með eyrnasuð

Meðal þekktra tónlistarmanna sem þjást af þessum sjúkdómi:

 

Eric Clapton

Phil Collins, 

Anthony Kiedis (Red Hot Chili Peppers), 

Pete Townshend (The Who

Chris Martin (Coldplay)

Barbara Streisand

Will.I.Am

Ozzy Osbourne

Neil Young

Moby

Lars Ulrich

Liam Gallagher

Noel Gallagher

Roger Taylor

Thom Yorke

 

BIRT: 26/04/2021

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is