Nýlegar músatilraunir opna þann möguleika að draga úr þeirri fötlun sem fylgir Downs-heilkenninu.
Downs-börn eru með aukaeintak af litningi 21 og heilkenninu fylgir minni greind og slakara minni en annars.
Downs-ensími veiklaði minnið og lærdómsgetuna
Hópur vísindamanna hjá Kaliforníuháskóla notaði tilraunamýs með Downs til að rannsaka hvernig aukalitningurinn hefur áhrif á prótínframleiðslu í heila með sérstakri áherslu á heiladrekann sem gegnir mikilvægu hlutverki varðandi bæði minni og lærdóm.
Í ljós kom að prótínframleiðsla Downs-músa var 39% minni en annarra. Og nú vita vísindamenn af hverju.
Börnum með Downs-heilkenni gæti veist auðveldara að læra og muna betur ef vísindamenn ná að hemja sérstakt ensími í heilanum.
Þetta stafar af eins konar „gæðaeftirliti“ sem er innbyggt í frumurnar og dregur úr virkni þeirra þegar þær uppgötva eitthvað óeðlilegt, í þessu tilviki aukalitninginn.
Vísindamennirnir skoðuðu svo sérstaklega tiltekið ensím, nefnt PKR sem gegnir lykilhlutverki í gæðaeftirlitinu.
Uppgötvunin á að auka lífsgæðin
Þeir prófuðu að draga úr virkni ensímsins en líka bæði að afvirkja genið sem kóðar fyrir því og gefa músunum lyf til að auka prótínframleiðsluna.
Allar þrjár aðferðirnar virkuðu. Í náms- og minnisprófunum stóðu mýsnar sig betur en fyrir meðferðina.
Vísindamennirnir leggja áherslu á að þeir geti ekki lokað á öll Downs-einkenni en vonast til að uppgötvunin leiði af sér lyf sem geti aukið lífsgæði barna með heilkennið.
