Auknar líkur eru á að börn og ungmenni getið þróað með sér sálfélagsleg vandamál ef þau sleppa morgunmatnum eða borða hann ekki heima.
Þetta er mjög skýrt að mati nýdoktorsins José Francisco López-Gil sem starfar hjá spænska háskólanum Castilla-La Mancha í Ciudad Real.
Lopez-Gil hefur, ásamt þremur öðrum vísindamönnum frá Englandi og Spáni, greint gögn úr 3.772 svörum við heilsuspurningum í Spænsku heilbrigðiskönnuninni frá árinu 2017.
Þeir fundu bein tengsl á milli geðheilsu og neyslu morgunverðar – ekki síst hvort ungt fólk borðaði morgunmatinn heima eða að heiman.
Samkvæmt gögnum vísindamannanna kom í ljós að meðal 4-14 ára barna er næstum jafn skaðlegt geðheilsunni að borða morgunmat að heiman og að sleppa máltíðinni alveg.
Sálfélagsleg heilsufarsvandamál eru skilgreind sem sálræn vandamál sem hafa neikvæð áhrif á félagsleg tengsl.
Sálfélagsleg vandamál
Skilgreining á sálfélagslegum vandamálum eru sálræn vandamál eða áskoranir sem hafa bein neikvæð áhrif á getu einstaklings til að mynda heilbrigð félagsleg tengsl.
Þetta getur m.a. falið í sér:
- Lágt sjálfsálit
- Kvíði
- Þunglyndi
- Hæfni til að sætta sig við eigin mistök
- Lítil samkennd
- Skapsveiflur
„Niðurstöðurnar benda til þess að það er ekki bara mikilvægt að borða morgunmat heldur skiptir líka miklu máli hvar ungt fólk borðar morgunmat – og hvað er borðað,“ segir Lopez-Gil.
Rannsóknarteymið veltir því fyrir sér hvort tengsl geðheilsu og hvar morgunmaturinn er borðaður geti tengst því að morgunverður sem borðaður er á hlaupum er oft ekki eins næringarríkur og morgunmatur sem foreldrar útbúa heima.
Jafnframt sjá rannsakendur líka tengsl á milli geðheilsu ungs fólks og félags- og fjölskyldutengsla sem skapast í kringum hollan og friðsælan morgunmat með fjölskyldunni.
Forðastu egg, ost og kjöt á morgunverðarborðinu
Samkvæmt rannsókninni skiptir líka máli hvað er í matinn.
Mjólk, te, súkkulaði, kakó, jógúrt, heilkornavörur eins og haframjöl eða múslí, ristað brauð og annað bakkelsi kom vel út.
Á hinn bóginn var gott að halda sig frá eggjum, skinku og ostum sem innihalda oft mikið magn fitu- og kólesteróls.
,,Til að forðast sálfélagsleg heilsufarsvandamál meðal ungs fólks ætti morgunmatur einnig að innihalda mjólkurvörur og/eða morgunkorn.”
José Francisco López-Gil
Þótt þessi gögn séu takmörkuð við Spán eru niðurstöður rannsóknarinnar í samræmi við fyrri niðurstöður en rannsakendur benda á að lönd eða svæði þar sem skólar bjóða t.d. upp á hollan og næringarríkan morgunverð geti séð aðrar niðurstöður.
„Niðurstöður okkar undirstrika nauðsyn þess að morgunmatur er ekki bara mikilvægur hluti af heilbrigðum lífsstíl heldur einnig mikilvægt að borða morgunmatinn heima,“ segir Lopez-Gil.
„Til að forðast sálfélagsleg heilsufarsvandamál hjá ungu fólki, ætti morgunmaturinn að innihalda mjólkurvörur og/eða kornvörur – og lágmarka neyslu á tilteknum dýraafurðum sem innihalda mikið af mettaðri fitu og kólesteróli.“
Næsta skref er nánari athugun á orsökum og afleiðingum þannig að skýra megi nákvæmlega hvers vegna börn og ungmenni sem sleppa morgunmat eða borða hann á hlaupum upplifa oftar sálrænar áskoranir sem geta truflað þau félagslega.
