Börn lengja lífið um mörg ár

Eigir þú að minnsta kosti eitt barn eru allar líkur á að þú lifir nokkrum árum lengur en barnlausir vinir þínir. Þetta kom í ljós í viðamikilli rannsókn sem gerð var í Svíþjóð.

BIRT: 13/04/2022

LESTÍMI:

2 mínútur
Share on facebook

Langar nætur sem einkennast af bleiuskiptum, barnsgráti og stopulum svefni virðast í fljótu bragði ekki vera uppskriftin að löngu og heilbrigðu lífi.

 

En sú er engu að síður raunin.

 

Þetta kom í ljós í viðamikilli rannsókn sem gerð var við Karolinska sjúkrahúsið í Svíþjóð, þar sem vísindamenn komust að raun um að fólk sem ætti minnst eitt barn lifði einu til tíu árum lengur en barnlaust fólk.

 

Lifa tveimur árum lengur

Vísindamennirnir rýndu í upplýsingar um ríflega 700.000 sænska menn og 725.000 sænskar konur sem fæddust á árunum 1911 til 1925.

 

Rannsóknin leiddi í ljós að lífslíkur tengdust barneignum.

 

Barnlausir karlar um sextugt gátu gert sér vonir um að lifa áfram í 18,4 ár á meðan feður á sama aldri gátu búist við að eiga framundan 20,2 ár. Með öðrum orðum var um að ræða tvö ár að auki.

 

Mennirnir græða mest

Ævilíkur karla ráðast meira af því hvort þeir eignast börn en ævilíkur kvenna, ef marka má rannsóknina.

Þegar litið var til sextugra kvenna bættist um eitt og hálft ár við meðalaldur mæðranna miðað við barnlausar konur. Mæðurnar gátu gert sér vonir um að lifa í 24,6 ár til viðbótar ef þær áttu minnst eitt barn.

 

Ekki kom á óvart að ágóðinn væri meiri meðal karla en kvenna því tengsl við börn hafa löngum verið talin stuðla að betri heilsu meðal foreldra og þá einkum feðra.

 

Nákvæmlega á hvern hátt börn hafa jákvæð áhrif á ævilíkur er ekki vitað. Samkvæmt rannsókninni virtist þó engu máli skipta hvort börnin byggju nálægt foreldrunum eður ei.

BIRT: 13/04/2022

HÖFUNDUR: Nanna Vium

HÖFUNDARÉTTUR MYNDA: Shutterstock

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is