Vísindamenn hjá Northwestern-háskóla í Illinois í BNA hafa smíðað smæsta flugfarartæki sögunnar, aðeins 0,5 mm að lengd.
Hugmyndir er sótt í hlynfræ, sem svífa um loftið líkt og örsmáar þyrlur og lenda síðan mjúklega.
Ördróninn er þó miklu minni og lögunin þannig að hann svífur enn hægar til jarðar en fræin.
Ördrónarnir eru um hálfur millimetri – ekki miklu stærri en sandkorn – og varla sjáanlegir á fingurgómi.
Þrátt fyrir smæðina rúmar þessi ördróniu fíngerð tæki á borð við skynjara, rafhlöðu og loftnet til þráðlausra fjarskipta ásamt minni fyrir gögn.
Hægt er að losa mörg þúsund þessara tækja út í loftið t.d. yfir borg og láta þá mæla sótagnir, koltvísýring eða jafnvel veirumagn í loftinu og þannig hjálpa til við að greina mengun eða útbreiðslu sjúkdóms.
LESTU EINNIG
Vísindamennirnir eru þó meðvitaðir um að mikill fjöldi slíkra tækja getur sjálfur verið mengunarvaldur.
Einmitt þess vegna vinna þeir nú að þróun rafrása úr efnum sem brotna auðveldlega niður í náttúrunni.
Hugmyndin er sú að ördrónar úr vatnsleysanlegum efnum safni og sendi gögn frá svifi sínu en leysist svo upp í næstu regnskúr eftir lendingu.
