Drónar Tæplega 25 metra langur dróni lendir eftir að hafa skilað af sér fjölda smádróna með sendingar til heimila í nærliggjandi stórborg.
Aðeins þremur tímum síðar tekur farartækið aftur á loft í næsta leiðangur: Að skila einum eða fleiri gervihnöttum á braut um jörðu.
Þetta er draumsýn þeirra sem standa að smíði stærsta dróna heims, Ravn X. Dróninn er þróaður hjá sprotafyrirtækinu Aevum sem gert hefur samning við bandarísk hernaðaryfirvöld.
Jómfrúarferð risa dróna nálgast
Eftir margar prófanir á landi er áætlað að Raven X fari í loftið í fyrsta skipti í lok árs 2021.
Árið 2022 mun risastóri dróninn sanna gildi sitt þegar fleiri gervihnöttum verður skotið á loft fyrir geimher Bandaríkjanna.
Bæði í stærð og lögun minnir Ravn X meira á orrustuþotu en dróna og tvö og hálft tonn að þyngd er dróninn í öðrum þyngdarflokki en keppinautarnir.
Ætlunin er að þessi fjölhæfi dróni geti keppt við t.d. SpaceX-eldflaugarnar sem nú standa fremstar í geimkapphlaupinu og flytja gervihnetti á loft með áður óþekktum hraða.
Raketlift kan bruges igen og igen. TRANSLATE
Í geimskotum á Ravn X að þjóna hlutverki fyrsta eldflaugaþreps. Í hámarksflughæð, 18.288 metrum, verður losuð eldflaug sem fest verður neðan á drónann. Tvö eldflaugaþrep sjá svo um að flytja fraktina, svo sem gervihnetti upp á lága braut um jörðu.
Fyrra þrepið er endurnýtanlegt, rétt eins og gildir um þær öflugu eldflaugar sem ætlunin er að keppa við.
Dróninn er endurnýtanlegur þannig að 70% alls búnaðar kemur aftur inn til lendingar. Verkfræðingarnir á bakvið vinna einnig að því að gera eldflaugaþrepin tvö endurvinnanleg.
Helsti kosturinn við Ravn X er þó að dróninn þarf ekki að taka á loft og lenda í einhverri þeirra fáu geimhafna sem til eru á jörðinni, heldur þarf aðeins hefðbundna lendingarbraut, ríflega einn og hálfan kílómetra að lengd.
Dróninn getur líka komið upp gervihnöttum allt árið öfugt við eldflaugar sem þurfa hagstætt veður.
Annar kostur er sá að dróninn notar hefðbundið þotueldsneyti.
Eldflaugar þurfa sjálfar að rúma súrefni sem bætt er í brunann í hreyflinum. Ravn X nýtir súrefni úr loftinu og sparar þannig rými, þyngd og peninga.
Til viðbótar verður tækið algerlega sjálfstýrt og sér sjálft um að koma sér bæði upp og niður.
Þar eð þessi flugvél er mannlaus er unnt að ræsa eldflaugahreyflana 0,5-1 sekúndu eftir frákúplun en í mannaðri vél þarf að bíða eftir fjarlægðaröryggi og flaugarnar missa því dýrmætan hraða.
Staðreyndir - Ravn X
Lengd:
24,4 metrar
Vænghaf:
18,3 metrar
Hæð:
5,5 metrar
Hámarkshraði:
1050 km/klst
Hámarksflugtaksþyngd:
25.000 kg
Hleðslugeta:
100 kg
Eftir að heimsins stærsti dróni hefur skilað fyrstu gervihnöttunum á braut er hugmyndin að hefja fraktflutninga milli staða.
Auk þess að geta flutt allt að 264 gervihnetti á réttar brautir getur Ravn X líka borið 6,8 tonn af varningi.
