Rautt ljós getur leitt af sér betri sjón

Tilraunir hafa leitt í ljós að einföld meðhöndlun með rauðu langbylgjuljósi vinnur bug á dapurri sjón sem hærri aldur hefur í för með sér. Ef marka má vísindamenn nægir þriggja mínútna ljósameðferð á dag.

BIRT: 26/08/2021

LESTÍMI:

3 mínútur
Share on facebook

Maðurinn – Öldrun

Lestími: 3 mínútur

 

Öllum frumum líkamans hrakar með aldrinum og sjónfrumum augans hnignar hraðar en við á um aðrar frumur líkamans.

 

Þó er ekki öll von úti enn, því með einfaldri ljósameðferð er unnt að hægja á ferlinu og snúa jafnvel þróuninni við, ef marka má tilraunir sem vísindamenn við University College í London gerðu.

 

Vísindamennirnir fengu 24 einstaklinga á aldrinum 28 til 72 ára til að horfa í rautt ljós úr vasaljósi í alls þrjár mínútur daglega í tvær vikur. Fyrir og eftir ljósameðferðina var sjón þátttakendanna mæld með tilliti til litasjónar og nætursjónar, þ.e. getunnar til að greina hluti í daufri birtu.

 

Fylgist með tilrauninni, þrep fyrir þrep

 

Langbylgjuljós ljær sjónfrumunum nýja orku

Flestir byrja að glata skynjun í sjónfrumum í kringum fertugt en rautt langbylgjuljós endurræsir orkuver frumnanna, ef marka má nýjustu tilraunir.

1. Ljósið lendir á sjónhimnunni

Tilraunin gekk út á það að láta þátttakendurna lýsa í augu sér með rauðu ljósi á bylgjulengdinni 670 nanómetrar. Meðferðin stóð yfir í tvær vikur og var sjónhimnan virkjuð með þessu móti í þrjár mínútur á dag.

2. Sjónfrumurnar gleypa ljósið

Sjónfrumur sjónhimnunnar drukku rauða ljósið í sig en frumur þessar daprast einmitt með aldrinum. Þetta á bæði við um svonefndar keilur (sem nema liti) og stafi (sem nema birtu).

3. Orkan í frumunum eykst

Ljósið veldur því að orkuver frumnanna, svokallaðir hvatberar, framleiða meira af orkusameindinni ATP. Við það verða sjónfrumurnar næmari og bæði lit- og nætursjón skerpist.

 

Niðurstöðurnar leiða í ljós að fólk yfir fertugu öðlast að öllu jöfnu betri sjón eftir meðferðina, bæði hvað snertir nætursjón en þó enn fremur litasjón sem batnar enn meira eða um heil 20 prósent.

 

Orkuver frumnanna tæmast

Ástæða þessa er sú að þessir tveir þættir af sjón myndast af tveimur ólíkum frumutegundum í sjónhimnunni. Svokallaðar keilur skynja liti á meðan stafir sjá okkur fyrir nætursjón. Báðar þessar frumutegundir glata næmni sinni með aldrinum, sökum þess að orkuver þeirra, svonefndir hvatberar, missa getuna til að framleiða sameindina ATP.

 

web_235928

Rautt ljós úr sérstöku vasaljósi getur gætt sjónfrumurnar nýju lífi eftir að þær taka að daprast hjá fólki yfir fertugu.

 

Hvatberarnir drekka í sig rautt langbylgjuljós þannig að orkuframleiðslan eykst en áhrifanna gætir hvað mest í keilunum sökum þess hve orkufrekar þær eru.

 

Viðvörun: Notið einungis rétta ljósið!

Í tilrauninni voru notuð vasaljós sem gefa frá sér rauða birtu á 670 nanómetra bylgjulengd. Ef marka má vísindamenn er unnt að framleiða slík ljós fyrir rúmlega 2.000 íslenskar krónur, svo meðhöndlunin ætti að geta orðið öllum aðgengileg. Við bendum lesendum þó á að að gera ekki slíkar tilraunir með vasaljósum sem ekki eru ætluð fyrir slíka meðhöndlun og alls ekki með leysigeislum sem geta valdið alvarlegum skemmdum á augum.

 

 

Birt 26.08.2021

 

 

 JENS MATTHIESEN

 

BIRT: 26/08/2021

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is