Segulsvið sprengdi tækin

Segulsviðið varð 120.000 sinnum öflugra en kæliskápssegull og sprengdi tækjabúnað vísindamannanna á sekúndubroti.

BIRT: 10/03/2022

LESTÍMI:

2 mínútur
Share on facebook

Japanskir vísindamenn hjá Tokyoháskóla hafa skapað öflugasta segulsvið sem nokkru sinni hefur sést í innanhússtilraun.

 

Segulsviðið var svo sterkt að það sprengdi tækjabúnað vísindamannanna.

 

Styrkurinn fór langt fram úr væntingum vísindamannanna og náði upp í 1.200 tesla. Þeir höfðu aðeins gert ráð fyrir 700 tesla.

Rafsegullinn myndaði ótrúlega kraftmikið segulsvið upp á 1.200 tesla og fyrir bragðið brunnu tæki vísindamannanna yfir.

Segulsvið upp á 1.200 tesla er 50 milljón sinnum öflugra en segulsvið jarðar eins og við upplifum það – og um leið 120.000 sinnum sterkara en venjulegur ískápssegull.

 

Þrýstu saman 4 milljónum ampera í rafsegul

Í tilrauninni sendu vísindamennirnir straum upp á 4 milljónir ampera – sem er mörghundruðfaldur straumur eldingar – í gegnum rafsegul með litlum kjarna sem þrýstist æ meira saman.

 

Segulsviðið í kjarnanum þrýstist þannig saman í æ smærra rými þar til styrkurinn náði 1.200 tesla.

1.200 tesla er 50 milljón sinnum öflugra en segulsvið jarðar eins og við upplifum það.

Kröftugra segulsvið hefur einungis verið skapað utandyra, þegar m.a. rússneskir vísindamenn notuðu sprengiefni til að pressa kjarna rafseguls saman. Slíkar tilraunir hafa skapað segulsvið upp á 2.800 tesla en þetta er óhugsandi innandyra.

 

Þótt segulsviðið entist ekki nema í innan við einn þúsundasta úr sekúndu er það samt lengri tími en þekkist úr samsvarandi tilraunum.

 

Eðlisfræðingar hyggjast nýta svo öflugt segulsvið til að rannsaka öreindir. Til viðbótar er hægt að nýta það í samrunaorkuverum þar sem mjög öflug segulsvið eru notuð til að halda eldsneyti svífandi í samrunaofni.

Vísindamenn náðu sprengingunni á myndband.

BIRT: 10/03/2022

HÖFUNDUR: Ritstjórn

HÖFUNDARÉTTUR MYNDA: Shutterstock, © Shojiro Takeyama/Uni. of Tokyo

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is