Sjálfkeyrandi bílar eiga að læra ótta

Til að forðast slys verða sjálfkeyrandi bílar að læra að vera hræddir. Með því að mæla hjartslátt fjölda þáttakenda lærir tölvan hvaða aðstæður á að forðast.

BIRT: 11/04/2023

LESTÍMI:

< 1 mínútur

Gervigreindartölvur geta leyst æ fleiri verkefni fyrir okkur og bráðum getum við látið þær stjórna bílunum okkar.

 

Markmiðið er að þessi sjálfstjórnarkerfi verði betri og traustari bílstjórar en menn og það er komið vel á veg.

 

Tölvurnar geta fylgt umferðarreglum, virt hámarkshraða og fylgst með umhverfinu.

 

Hjá Microsoft telja menn tölvurnar þó enn skorta mikilvægan eiginleika. Þær verða nefnilega ekki hræddar.

 

Þá hæfni hyggjast vísindamenn nú kenna tölvunum.

 

Í tilraun einni var tölva látin fylgjast með þátttakendum sem fóru í ökutúr í umferðarhermi.

 

Til að fylgjast með ótta fólksins var notaður púlsmælir, enda gefur púlsinn einfalda mælingu á viðbragðsstöðu líkamans.

 

Gervigreindartölvan gat nú tengt ákveðna atburði í ökuferðinni við óttaviðbrögð bílstjórans, m.a. í þeim tilvikum sem eitthvað fór úrskeiðis.

Sjálflærandi kerfi eru mikið notuð í gervigreind, þar sem tölvur læra af eigin reynslu.

Á eftir var tölvan sjálf látin aka sömu leið og hún reyndist nú fara gætilegar á þeim stöðum þar sem mannverurnar höfðu sýnt óttamerki.

Tölva í sjálfkeyrandi bíl verður varfærnari þegar hún hefur lært hvaða aðstæður hækka púlsinn hjá mönnum.

Færri óhöpp

Vísindamennirnir báru því næst saman þessa gervigreindartölvu og aðra sem einvörðungu hafði lært af sínum eigin mistökum.

 

Í ljós kom að tölvan sem hafði lært af mannlegum mistökum var miklu fljótari að ná upp öryggi í akstri og hún hafði 25% færri óhöpp að baki þegar báðar höfðu náð sömu færni.

BIRT: 11/04/2023

HÖFUNDUR: Jens Matthiesen

HÖFUNDARÉTTUR MYNDA: Shutterstock

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is