Sjálfstýrðir vörubílar eru nú að taka fram úr sjálfstýrðum fólksbílum. Árið 2021 settu menn hjá fyrirtækinu TuSimple fyrsta vörubílinn á vegina og létu hann alveg sjá um sig sjálfan.
Fyrirtækið prófaði vörubíla árið 2020 og lét þá flytja vörur á sérvöldum leiðum en þá voru bílstjórar með og gátu tekið við stjórninni ef í óefni stefndi.
Fyrstu tilraunaferðirnar með sjálkeyrandi vörubíla TuSimple voru farnar 2020. Þá var bílstjóri með til öryggis.
Það eru margvíslegar ástæður fyrir því að vörubílarnir virðast verða fyrstir. Í fyrsta lagi eru akstursleiðir þeirra skipulagðar fyrirfram og leiðin liggur að mestu leyti um hraðbrautir og aðalgötur þar sem umferðin er ekki tiltölulega flókin.
Stærð vörubílanna er líka kostur því þar er nóg rými fyrir tölvur og skynjara sem tækið þarf til að geta áttað sig á öllum aðstæðum.
Á vörubílum er líka hægt að staðsetja skynjara í meiri hæð og þannig fæst mun betri yfirsýn.
Myndband: Sjáðu kynninguna á hinum sjálfstýrða bíl
Vörubílarnir hjá TuSimple nota myndavélar, radar og lídar, tæki sem virkar svipað og radar en notar ljósbylgjur.
Kerfið sér heilan kílómetra fram fyrir sig eða tvöfalt lengra en bílstjóri getur séð með öryggi.
Yfirsýn myndast með samspili radars, lídars og myndavéla sem sjá tvöfalt lengra en maður gerir. Lídar (fjólublátt) sér 200 metra - Radar sér 300 metra (grænt) og myndavélar (appelsínugult) sjá 1.000 metra.
Viðbragðstími sjálfstýrðu vörubílanna er heldur ekki nema einn fimmtándi af viðbragðstíma manns. Tölvustýrður akstur verður líka liprari, akreinaskipti færri og sjaldnar hemlað.
Af því leiðir svo stórum minna dekkjaslit og 10% eldsneytissparnaður. Flutningskostnaðurinn minnkar líka um 40% þegar ekki þarf að greiða bílstjóranum laun.
Gangi þessar tilraunir áfram vel reiknar fyrirtækið með að 50 sjálfkeyrandi vörubílar verði komnir út í umferðina 2024.
