Öfugt við nánast öll önnur líffæri hefur húðin einstæða hæfni til að endurnýja sjálfa sig.
Jafnvel tiltölulega stór sár geta gróið alveg án þess að nokkurt ör myndist. Það eru mismunandi hvít blóðkorn ónæmiskerfisins sem standa að lækningunni með því að valda bólgu.
Þótt ónæmiskerfið geti gert við margvíslegar skrámur er það einstaklingsbundið hvernig sár gróa. Reykingar og sjúkdómar á borð við t.d. sykursýki geta valdið því að sárin grói verr.
Bólga flýtir náttúrulegri lækningu
10 mínútur – blóðstorka
Lækningaferli húðarinnar hefst með því að rofnar æðar (rauðir blettir) draga sig saman. Prótínið fíbrín (blá strik) losnar og kemur blóðinu til að storkna þannig að blæðingin stöðvast.
48 tímar – síðbúin bólga
Ein gerð hvítra blóðkorna, svonefndar litfælnar kornfrumur (fjólubláar), hefur lækninguna en önnur gerð, svonefndar átfrumur (grænar) gefa frá sér lífefni sem hvetja sárið til að loka sér.
72 tímar – vaxtarfasi
Bandvefsfrumur (bláar) sem mynda kollagen (hvítar línur) og keratín (fjólubláar keðjur á yfirborði) koma að sárinu og endurmynda bæði leðurhúðina og fíngerðar æðar í henni.
Vikur til mánuðir – þroskafasi
Eftir vaxtarfasann tekur þroskafasinn við og skyndilausnir eru leystar af hólmi með langtímaviðgerðum.
LESTU EINNIG
