Ógnin af kjarnorkustríði er núna mögulega sú mesta sem verið hefur frá kalda stríðinu. Þess vegna hefur hópur bandarískra vísindamanna rannsakað hvað myndi raunverulega gerast ef hin níu kjarnorkuveldi heimsins létu kjarnorkueldflaugum rigna yfir okkur. Og atburðarásin er eins svört og þú getur ímyndað þér.
Auk eyðileggingarinnar vegna sprengingarinnar og heilsufarslegra afleiðinga geislavirks niðurfalls í kjölfarið, hefði sprengjuárás almennt í för með sér gríðarlegt magn af sóti og reyk, sem dælt yrði upp í efri lofthjúpinn.
Kjarnorkustríð myndi byrgja fyrir sólu og innan mánaðar kalla fram 7,2°C hitastigslækkun á heimsvísu og miklar líkur á að uppskerubresti víðast hvar í heiminum.
Heimshöfin yrðu illa fyrir barðinu vegna kjarnorkustríðs sem hefði gríðarleg áhrif um heim allan, ekki bara í áratugi heldur öldum saman og hugsanlega skapað litla ísöld.
Hitastig sjávar myndi lækka, sérstaklega á norðlægari slóðum. Afleiðingin yrði sú að hafís dreifðist frá pólunum og hafið í kringum stórar og mikilvægar hafnir heims, t.a.m. í Peking, Kaupmannahöfn og Sankti Pétursborg myndi frjósa.
Sveppaský frá kjarnorkusprengingunni yfir japönsku borginni Nagasaki rís 18.000 metra upp í loftið að morgni 9. ágúst 1945. Þremur dögum fyrr höfðu Bandaríkjamenn gert kjarnorkuárás á Hiroshima. Alls dóu á milli 129.000-226.000 manns.
Að sjálfsögðu myndi kjarnorkustríð hafa gríðarleg áhrif á alþjóðleg viðskipti eins og þau eru í dag .
Auk þess myndi hinn mikli kuldi í hafinu og skortur á sólarljósi leiða til fjöldaútdauða sjávarþörunga.
Þar sem þessir þörungar eru undirstaðan í fæðukeðja hafsins myndu margar tegundir svelta. Fjöldadauði sjávardýra í kjölfarið myndi hafa gríðarlega áhrif á fiskveiðar og fiskeldi.
Tölvuhermar sýna atburðarás
Í þessari nýju rannsókn, nýttu vísindamennirnir sér fjölda tölvuherma til að rannsaka áhrif mismunandi öflugra kjarnorkustríða byggða á getu kjarnorkueldflaugum nútímans.
Í öllum tilvikum, myndi áhrifa gæta alls staðar á jörðinni og skipti ekki máli hvar sprengjurnar féllu.
Núna eru um 13.000 kjarnorkuvopn í heiminum dreifð á níu lönd. Flestar sprengjurnar eru í Bandaríkjunum og Rússlandi en rúmlega 1.000 eru í eigu Frakklands, Kína, Bretlands, Pakistan, Indlands, Ísraels og Norður-Kóreu.
Helsta viðfangsefni rannsóknarinnar var kjarnorkustríð milli Bandaríkjanna og Rússlands.
Í einni atburðarásinni gerðu vísindamennirnir ráð fyrir að Rússar og Bandaríkin notuðu samtals 4.400 100 kílótonna kjarnorkuvopn gegn hvort öðru í stórborgum og á iðnaðarsvæðum.
LESTU EINNIG
Það myndi hafa í för með sér elda sem gætu sent 149 milljarða kílóa af reyk og svörtu kolefni upp í efri lofthjúpinn.
Jafnvel í minniháttar kjarnorkustríði milli Pakistans og Indlands, yrðu áhrifin skelfileg um heim allan.
Ef þessi tvö lönd sprengdu 500 100 kílótonna kjarnorkusprengjur hverja á eftir annari myndi það skapa 46 milljarða kílóa af reyk og sóti sem byrgði það mikið fyrir sólu að úr yrði lítil ísöld..
