Höfuðverkur, ógleði og þreyta er óhjákvæmilegur fylgifiskur hjá mörgum þegar áfengi er haft um hönd. Mjög mismunandi getur verið hversu öflugir timburmennirnir geta orðið.
Sumir virðast aldrei fá timburmenn á meðan aðrir þjást gríðarlega mikið.
Ástæðuna fyrir þessum sveiflum á þynnku má að hluta til rekja til magns og tegundar áfengis sem neytt er en þar með er ekki öll sagan sögð. Rannsóknir benda til að fjórir þættir geti skipt sköpum fyrir mismunandi áhrifum timburmanna á fólk.
1: Líffræðileg ferli
Umfang timburmanna þarf ekki að eiga rætur að rekja til of mikillar drykkju, að mati sumra vísindamanna.
Vísbendingar eru um að fólk sem hefur afbrigði af geninu ALDH2 hafi tilhneigingu til að upplifa verri timburmenn en þeir sem ekki bera genið.
Þegar við neytum áfengis örvar ensímið alkóhól dehýdrógenasi umbreytingu alkóhóls í próteinið asetaldehýð – prótein sem meðal annars ýtir undir einkenni timburmanna.
Vísindamenn telja að afbrigði ALDH2 gensins hafi tilhneigingu til að takmarka niðurbrot á ,,timburmanna-prótíninu” asetaldehýði, sem getur leitt til verri timburmanna.
2: Aldur og kyn
Samkvæmt hollenskri rannsókn skiptir aldur og kyn einnig máli í hversu timbruð við verðum.
Fjölmargar rannsóknir benda til þess timburmenn minnki með aldrinum.
Niðurstöðurnar sýna að timburmenn minnka með aldrinum og svo er einnig munur á kynjunum.
Karlar á aldrinum 18 til 25 ára virðast karlar þjást meira af timburmönnum en konur. Ástæðan fyrir þessum mun er enn óþekktur.
3: Sálfræðilegir þættir
Stress, þunglyndi eða kvíði eykur hættuna á meiri þynnku samkvæmt áströlsk-hollenskri rannsókn.
Ástæðan er meðal annars sú að fólk sem líður þannig hefur aukna tilhneigingu til að sjá lífið í neikvæðu ljósi.
Og ef timburmönnum er bætt við þessa líðan verður allt mun dekkra.
4: Verkjameðferð
Það er ekkert skýrt svar við því hvort fólk með lágan sársaukaþröskuld eða þau sem virðast þola sársauka betur upplifi verri timburmenn.
Bandarísk rannsókn bendir t.a.m. á að fólk með lágan sársaukaþröskuld upplifi oftar verri timburmenn en þeir sem eiga auðveldara með að takast á við líkamlega sársauka. Og svo er aðrar rannsóknir sem sýna hið gagnstæða.
Þær rannsóknir sýna að þeir sem hunsa sársauka fá verri timburmenn en þeir sem eru meðvitaðir um óþægindin.
Hvernig á að forðast timburmenn?
Þó flestir vísindamenn séu sammála um orsakir timburmanna er enn langt í land þegar kemur að lækningunni.
LESTU EINNIG
Höfuðverkjatöflur og mikil vatnsdrykkja eru talin hjálpa en frekari rannsókna er þörf ef skemmtanaglaðir eiga að gera sér vonir um heim án timburmanna.
