Af hverju eru drengir umskornir?

Umskurn drengja felst í því að fjarlægja yfirhúðina af getnaðarlimnum alveg eða að hluta.

Ástæðurnar geta verið ýmsar. Sums staðar er umskurn liður í trúarathöfn.

Umskurn lýst í Biblíunni

Sem trúarathöfn er umskurn lýst í Biblíunni þar sem Abraham gerir sáttmála við Guð og lofar að umskera öll sveinbörn þegar þau eru átta daga gömul – flestir gyðingar fylgja enn þessari reglu.

Meðal múslima er umskurn líka algeng en aldurinn er mismunandi eftir svæðum, allt frá frumbernsku til unglingsaldurs.

Umskurn útbreidd í Bandaríkjunum

Sums staðar er álitið að umskurn stuðli að hreinlæti og komi í veg fyrir kynsjúkdóma, þar eð bakteríur safnist undir forhúðinni.

Þetta er t.d. ein helsta ástæðan í Bandaríkjunum en þar er umskurn algengust á Vesturlöndum. Þar hafa heilbrigðissjónarmiðin þó mætt vaxandi gagnrýni á síðari árum, einkum vegna þess að fyrir kemur að aðgerðin misheppnast.

Í fornri menningu sumra Afríkulanda er forhúðin talin kvenlegt einkenni. Þar er umskurn því oft þáttur í karlmennskuathöfn.