Dökkar rendur undir augunum stafa oft af því að fíngerðar, dökkar æðar sjást í gegnum þunna húð á neðra augnlokinu. Ástæðan er þá annað hvort sú að húðin er óvenjulega fölleit og þunn eða fitulagið undir henni óvenju þunnt.
Ónógur svefn eða streita geta valdið fölum lit á húðinni en þunn og gagnsæ húð er oft arfgeng.
Þunnt fitulag getur líka verið arfgengt en getur líka stafað af lítilli líkamsfitu eða eðlilegri öldrun.
Bæði erfðir og lífsstíll valda dökkum röndum
Hvar: Húðin á neðra augnlokinu er í mörgum tilvikum mjög þunn og þar með nærri gagnsæ.
Hvað: Dökkar rendur sem ýmist stafa af æðum undir húð eða í sumum tilvikum miklu af dökku litarefni.
Hvenær: Tilhneiging til myndunar dökkra randa getur átt sér margar orsakir, svo sem erfðir, aldur, ofnæmi, streita, vítamínskortur eða of lítill svefn.
Enn ein möguleg orsök getur verið óvenju mikil framleiðsla af dökku litarefni í húðinni.
Litarefnið framleiðir húðin til að verjast útfjólubláum geislum sólar. Ef dökki liturinn er til óþæginda geta lýtalæknar hjálpað, t.d. með leysigeislameðhöndlun.
Síðast en ekki síst geta lyf haft áhrif á myndun dökkra randa, t.d. hormónalyf, sýklalyf eða blóðþynnandi lyf. Vítamínskortur eða efnaskiptavandamál eru líka mögulegar skýringar.
LESTU EINNIG
