Hin 74 ára ísraelska Lydia Marner fer alltaf í morgungöngu meðfram Palmachim ströndinni fyrir utan Tel Aviv ásamt eiginmanni sínum. En núna í júní kom hún skyndilega auga á stein sem flaut á vatninu og líktist ekki hinum steinunum sem hún var vön að sjá.
„Ég tók eftir því að það var eitthvað sérstakt við steininn,“ útskýrði hún. Og hún hafði alveg rétt fyrir sér.
Eiginmaður hennar var ekki alveg á því að vaða út í vatnið og ná í steininn en hlustaði á konu sína og náði í steininn. Hún sendi svo myndir af steininum til nokkurra vina.
Þeir ráðlögðu henni að hafa samband við fornminjastofnun Ísraels sem sýndi fundinum strax mikinn áhuga.
Egypskur guð var tilbeðinn í Ísrael til forna
Sérfræðingur um bronsöldina, Dr. Amir Golani, gat staðfest að steinninn væri í raun 3.000 ára gömul örstytta.
Hann útskýrði í fréttatilkynningu að „þessar styttur voru notaðar til tilbeiðslu og tengdust oftast egypsku gyðjunni Haþor“.
„Maðurinn minn hló að mér til að byrja með, en hann hlær ekki lengur,“ segir Marners.
LESTU EINNIG
Þó Haþor sé upprunin úr egypskri goðafræði er ekki óalgengt að finna styttur af henni í Ísrael. Hún var tilbeðin af Kananítum í Ísrael, sem tilbáðu nokkra egypska guði.
Þessi litli steinskúlptúr hefur líklega verið á heimili þar sem hann hefur verið settur á lítið altari. Haþor er einn af elstu egypsku guðunum og var t.a.m. ástargyðja. Gyðjustyttunni verður nú væntanlega komið fyrir á safni.
