Flestir fiskarnir kunna að tala

Ný rannsókn sýnir að allt að tveir þriðju af fiskitegundum heims tala saman með hljóðum. Vísindamenn hafa líka nokkuð góða hugmynd um umræðuefnið.

BIRT: 18/10/2022

LESTÍMI:

2 mínútur
Share on facebook

Undir yfirborði sjávar gerist miklu fleira en við höfum hugmynd um.

 

Nú síðast sýnir ný rannsókn vísindamanna hjá Cornellháskóla í New York að meirihluti fiska hefur trúlega hæfni til að tala saman með því að nota hljóð.

 

Sumar tegundir fiska virðast hafa haft þessa hæfni í meira 155 milljónir ára.

Myndband: Heyrðu vestur-ameríska kadettfiskinn raula

Vísindamenn hafa lengi vitað að einstakar tegundir geta gefið frá sér hljóð. Það eru hins vegar ný tíðindi að stór meirihluti fiska geti átt samskipti með hljóðum.

 

Rannsóknin beindist að svokölluðum geislauggafiskum en um 99% allra fiskitegunda falla í þann flokk.

 

Niðurstaða vísindamannanna varð sú að tveir þriðju geislauggafiska geti gefið frá sér hljóð. Áður var talið að þetta væri einungis um fimmtungur. 

Við athuganir á ættartré fiska kom í ljós að hæfnin til að gefa frá sér hljóð hefur þróast áfram alls 33 sinnum á milljónum ára. Svo tíðar stökkbreytingar á þessu sviði segja vísndamönnunum að um sé að ræða mikilvægan eiginleika

Myndband: heyrðu langhryggja íkornafiskinn tala

Fiskar tala um kynlíf

Niðurstöður rannsóknarinnar byggjast m.a. á eldri hljóðupptökum undir yfirborðinu, líffærafræði fiskanna og fyrri vísindarannsóknum.

 

Á þessum grundvelli var hægt að ákvarða nákvæmlega hvaða líkamsverkfæri fiskum eru nauðsynleg til að mynda hljóð – án raddbanda vel að merkja.

 

Eitt mikilvægasta verkfærið eru vöðvarnir í kringum sundmagann sem situr efst í kviðarholinu og fiskarnir nota til að stilla sundhæð sína. 

Sundmaginn er gasfyllt blaðra efst í kviðarholi og stillir því af hve ofarlega fiskurinn er í vatninu.

Tennurnar geta líka gegnt hlutverki og sumir fiskar gnísta tönnum til að koma skilaboðum til annarra.

 

Vísindamennirnir telja sig líka geta giskað á helstu umræðuefnin, enda eru þau ekki mjög fjarri okkar eigin áhugamálum: Matur, kynlíf og yfirráðasvæði.

BIRT: 18/10/2022

HÖFUNDUR: NANNA VIUM

HÖFUNDARÉTTUR MYNDA: © Shutterstock

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is