Talið er að um einn milljarður manna um allan heim þjáist af mígreni. Einkenni þessa meinlega kvilla eru meðal annars sárir púlsverkir, svimi, ógleði, ljósfælni auk skyn- og sjóntruflana.
Sumir fá mígreni sárasjaldan á meðan aðrir finna fyrir því jafnvel vikulega. Algengasta meðferðin við mígreni er svokallaðar mígrenitöflur sem geta linað sársaukann.
En nú eru fréttir góðar fyrir þá sem eru ekki mikið fyrir að taka pillur gegn einkennum mígrenis
Bandaríska matvæla- og lyfjaeftirlitið, einnig kallað FDA, hafa samþykkt skjótvirkan nefúða gegn mígreni frá lyfjafyrirtækinu Pfizer og er það væntanlegt í verslanir í Bandaríkjunum í júlí á þessu ári.
Valkostur við pillur
Nefúðinn, sem mun ganga undir nafninu Zavzpret, mun að sögn lyfjarisans verða góður valkostur við þau verkjastillandi lyf sem þegar eru á markaðnum.
„Samþykki Matvæla- og lyfjaeftirlitsins (FDA) skiptir sköpum fyrir þá mígrenisjúklinga sem vilja annan kost en pillur,“ sagði Angela Wang, framkvæmdastjóri Pfizer, í fréttatilkynningu.
Flest mígreniköst standa í 2-4 klukkustundir en dæmi eru um að köst geti varað í allt að þrjá daga.
Svokölluð 3. fasa rannsókn sem fyrirtækið gerði sýndi fram á að nefúðinn virkaði á suma sem tóku þátt í tilrauninni á aðeins 15 mínútum.
,,Hröð virkni skiptir miklu máli fyrir sjúklingana mína og er einn mikilvægasti þáttur þess hvort þeim finnist lyfið áhrifaríkt,“ segir Kathleen Mullin sem er læknir við New England Institute for Neurology & Headache.
Niðurstöðurnar urðu til á grundvelli rannsóknar þar sem helmingur 1405 manna hóps fékk úðaskammt en hinn helmingurinn lyfleysu.
LESTU EINNIG
Á undan mígrenikasti fá sumir sjóntruflanir sem nefnist „ára“.
Auk skjótrar virkni hjá sumum kom í ljós að úðinn dregur verulega úr sársauka tveimur klukkustundum eftir að mígreniskastið hófst.
Ekki er enn ekki vitað hvenær hægt verði að kaupa Zavzpret í verslunum hér á landi.
