Hvað er þetta? Eldhnöttur sést á himni

Í München sást eitthvað magnað á lofti sem náðist á myndband í farsíma. Var þetta loftsteinn sem braust í gegnum lofthjúpinn?

BIRT: 31/07/2022

LESTÍMI:

2 mínútur
Share on facebook

Eldhnötturinn í myndbandinu er því miður hvorki loftsteinn né geimrusl. Þess í stað er það næstum örugglega strókur frá þotu sem endurkastar sólarljósi og dregur á eftir sér slóð þéttrar vatnsgufu.

 

Eiginlegir eldhnettir eða fireballs á ensku, líta öðruvísi út. Fyrirbærið á sér stað þegar stórir klumpar af bergi, ís eða málmi brenna upp þegar þeir þjóta í gegnum lofthjúpinn á nokkur þúsund kílómetra hraða.

 

Þess vegna endast þeir sjaldan eins lengi og lýsandi hluturinn í myndbandinu.

Ef myndbandið sýndi loftstein, myndi lýsandi kúlan að framan vera verulega stærri miðað við halann. Birtustig eldhnatta er einnig breytilegt vegna þess að klumpur úr steini, málmi eða ís er ekki fullkomlega kringlóttur og veltur því í gegnum lofthjúpinn á meðan hann brotnar.

 

Hluturinn lítur meira út eins og hraðskreið þota, líklega herflugvél sem endurkastar sólarljósi og lítur þar með út eins og eldhnöttur. Það útskýrir líka að myndbandið varir í 24 sekúndur. Alvöru eldhnöttur úr geimnum logar venjulega aðeins í tvær til tíu sekúndur.

 

3

Hali samþjappaða loftsins er í raun tvær rendur sem bendir til þess að þetta sé þota með tveimur hreyflum. Þýski flugherinn notar tvær tegundir orrustuþota, Eurofighter Typhoon og Panavia Tornado. Báðar gerðir eru búnar tveimur hreyflum og því erfitt að segja nákvæmlega um hvaða flugvélategund er að ræða.

Eldhnettir þjóta einhvers staðar inn í lofthjúp jarðar einu sinni til tvisvar á dag og eru það þá loftsteinar sem eru að minnsta kosti á stærð við hnefa og eru bjartari en fullt tungl í allt að 10 sekúndur.

 

Mun oftar má sjá stjörnuhrap sem kemur fyrir nokkur hundruð sinnum á dag.

 

Agnir allt niður í stærð við sandkorn geta búið til stjörnuhrap sem brennur fljótt upp og dregur einfaldlega lýsandi rák á eftir sér hátt uppi á himni. Þau eru sérstaklega tíð í tengslum við árleg loftsteinaregn eins og Leonítar og Perseids loftsteinaregnin.

 

Tilkynna verður um alvöru eldhnetti

Síðast braust virkilega stór loftsteinn í gegnum lofthjúpinn þann 15. febrúar 2013. Þar var um að ræða um það bil 12 tonna þungan stein yfir rússnesku borginni Chelyabinsk. Tæplega 1.500 manns slösuðust, meðal annars vegna þess að höggbylgjan braut rúður í byggingum borgarinnar.

 

Ef þú sérð eldbolta geturðu tilkynnt það á hér. Hér skráir American Meteor Society allar tilkynningar um eldkúlur svo hægt sé að safna stefnu og lengd í líkan og gefa upp líklegan höggstað fyrir loftsteininn.

BIRT: 31/07/2022

HÖFUNDUR: NIELS HALFDAN HANSEN

HÖFUNDARÉTTUR MYNDA: Martin Fredholm

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is