Hvaða dýr hafa stærstu eistun?

Það virðist rökrétt að stóru skíðishvalirnir hljóti að hafa stærstu eistun en hvaða dýr hafa stærstu eistun í hlutfalli við líkamsþyngd?

BIRT: 16/10/2022

LESTÍMI:

2 mínútur
Share on facebook

Eistu sléttbaksins í norðurhöfum geta orðið meira en 500 grömm hvort um sig og sæðisinnihaldið allt að 4,5 kg. En þegar stærð eistnanna er metin sem hlutfall af líkamsþyngd er það þó suður-evrópsk engisprettutegund, Platycleis affinis sem slær öll met.

 

Vísindarannsókn undir stjórn breska skordýrafræðingsins Karims Vahid sem gerð var árið 2010, leiddi í ljós að eistu karldýra af þessari tegund eru heil 13,8% af heildarþyngdinni.

Engisprettan Platycleis affinis hefur hlutfallslega stærstu eistun í dýraríkinu. Hér hafa þau verið tekin úr kviðbúk dýrsins.

Þegar niðurstöður rannsóknarinnar voru birtar sagði Vahed að eistun „… virtust leggja undir sig nánast allan kviðbúkinn“ á þessari 2,5 cm löngu engisprettu.

 

Kvenflugur tegundarinnar Platycleis affinis para sig að meðaltali 11 sinnum á mökunartímanum. Þetta segja vísindamennirnir valda því að þeim körlum gangi best að eignast afkvæmi sem hafa mesta mökunargetu og það hefur valdið þróun þessara gríðarstóru eistna.

11 kg að þyngd þyrftu karlmannseistu að vera til að jafnast á við eistu Platycleis affinis sem hlutfall af líkamsþyngd.

Áður en Platycleis affinis yfirtók þetta heimsmet var methafinn bananaflugan Drosophila bifurca. Eistu karlflugnanna eru um 10,6% af líkamsþyngdinni.

 

Bananaflugan heldur þó enn stórmerkilegu heimsmeti en karlflugurnar framleiða heimsins lengstu sáðfrumur, 5,8 cm að lengd. Sáðfrumurnar eru því meira en tuttugufalt lengri en flugan sjálf og þær eru því samanvafðar allt fram að mökun.

 

Meðal spendýra er hlutfallslega stærstu eistun að finna hjá leðurblökunni Corynorhinus rafinesquii. Eistu karldýra af þessari leðurblökutegund eru um 8% af líkamsþyngdinni. Tegundin lifir í suðausturhluta Bandaríkjanna.

BIRT: 16/10/2022

HÖFUNDUR: Niels Halfdan Hansen

HÖFUNDARÉTTUR MYNDA: Shutterstock,© Richard Richards/Royal Society/AFP/Ritzau Scanpix

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is