Hvers vegna nota herir hernaðartákn? 

Þekktir herforingjar, á borð við Alexander mikla, tóku sjálfir þátt í stríðsrekstri en þegar hershöfðingjum áskotnuðust betri landakort fóru þeir að halda sig frá vígvellinum og nýta þess í stað hernaðartákn til að stjórna bardögunum.

BIRT: 16/09/2022

LESTÍMI:

3 mínútur
Share on facebook

Hernaðartákn eru tákn sem herir nota til að segja til um staðsetningu einstaka herdeilda, hlutverk þeirra, stærð og hreyfingar á hernaðarlandakortum.

 

Fyrstu hernaðarlandakort sögunnar sem líkjast að einhverju leyti þeim kortum sem notuð eru í dag, voru tekin í notkun á árunum eftir Napóleonsstyrjaldirnar í upphafi 19. aldar. Áður en þetta varð höfðu herforingjar í líkingu við Alexander mikla og Cesar sjálfir verið í fremstu fylkingu og leitt hermenn sína í bardögum því þeir höfðu ekki yfir að ráða áreiðanlegum kortum og urðu að treysta á eigið mat á umhverfinu.

 

Verulegar framfarir urðu á sviði kortagerðar á 19. öld og þegar þar var komið sögu gátu hershöfðingjar í auknum mæli treyst á landakort sín og stjórnað bardögunum úr fjarlægð. Í því skyni voru útbúin sérstök tákn, svokölluð hernaðartákn sem voru teiknuð inn á landakortin og notuð til að öðlast yfirsýn yfir heraflana og til að skipuleggja næstu skref. 

Hvað tákna rússnesku hernaðartáknin?

Sjá hefur mátt ýmis tákn á rússneskum hernaðarfarartækjum meðan á innrásinni í Úkraínu hefur staðið. Rússarnir hafa ekki viljað gefa upp hvað táknin merkja en ef marka má sérfræðinga eru rússnesku táknin svokölluð hernaðartákn.

Z

Öllu samkvæmt gefur tákn þetta til kynna að hersveitirnar eigi rætur að rekja til þess sem nefnt hefur verið eystra hernaðarhéraðið en um er að ræða eitt af fimm héruðum rússneska hersins.

O

Hringlaga táknið er að öllum líkindum nýtt af rússneskum hersveitum sem staðsettar eru í Hvíta-Rússlandi.

V

Þetta tiltekna tákn nota hersveitir frá rússneska flotafótgönguliðinu sem m.a. tók þátt í árásinni á úkraínsku hafnarborgina Maríupól.

Bókstafurinn Z, innan í ferningi

er hernaðartákn rússnesku hersveitanna á Krímskaga sem Pútín innlimaði í Rússland árið 2014.

NATO tók upp hernaðartákn

Þróun slíkra hernaðartákna var einstaklega ör á tímum fyrri heimsstyrjaldar, þegar m.a. Bretar, Frakkar og Bandaríkjamenn samræmdu tákn sín þannig að þeir gætu sem best starfað saman en þess má geta að blá kort táknuðu Bandamenn og rauð óvinveittar hersveitir. Rétthyrningur með krossi táknaði hins vegar fótgöngulið. 

 

Þegar Atlantshafsbandalagið var stofnað árið 1949 hóf bandalagið að nýta hernaðartáknin og í dag má segja að langflestir vestrænir herir hafi tekið þau í notkun.

 

Athygli manna beindist að hernaðartáknunum þegar teknar voru ljósmyndir af ýmsum rússneskum hernaðarfarartækjum með ámáluð tákn eftir innrás Rússa í Úkraínu. Sérfræðingar telja að um sé að ræða hernaðartákn sem gefi til kynna hvaðan farartækin stafi og hvert þau séu að fara.

BIRT: 16/09/2022

HÖFUNDUR: Emrah Sütcü

HÖFUNDARÉTTUR MYNDA: © mil.ru. © Zombear. © Homoatrox

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is