Mengun sem leikfangaiðnaðurinn veldur er fyrst og fremst vegna plastleikfanga, sem innihalda eiturefni eins og t.d. þalöt.
Efnin gera plast eins og PVC mýkri en sum þalöt geta dregið úr frjósemi og önnur eru grunuð um að auka hættu á astma hjá börnum.
Sum þalöt eru bönnuð í Evrópusambandinu öllu og sum lönd – þar á meðal Danmörk – hafa sjálf sett mjög lág viðmiðunarmörk fyrir innihald þalöt í vörum fyrir börn.
Þrátt fyrir bönnin fundu samtök umhverfisverndarsamtaka innan ESB, EEB, alls 248 tegundir af leikföngum með of háum styrk þalata í yfirferð á gögnum frá einstökum löndum árið 2019.
88 prósent leikfanga sem tekin voru af markaði í ESB árið 2019 vegna of mikils styrks eiturefna komu frá Kína.
92 prósent af 248 tegundum voru „alvarleg heilsufarsáhætta“.
Leikföng menga alls staðar
Samkvæmt umhverfisáætlun Sameinuðu þjóðanna UNEP er leikfangaiðnaðurinn sá iðnaður notar mest plast í heiminum. 90 prósent af öllum leikföngum á markaðnum eru úr plasti og er árleg heildarnotkun um sex milljónir tonn. Því ber leikfangaiðnaðurinn einnig mikla ábyrgð á örplastamengun heims.
LEGO er búið til úr plasti en samkvæmt framleiðandanum nota 97 prósent eigenda kubbana sína eða gefa þá og því enda þeir ekki að öllum líkindum sem sem örplast.
Örplast eru plastbútar undir fimm mm að stærð. Þeir hafa fundist í nánast hverju skúmaskoti jarðar – þar með talið í mönnum – en heilsufarsáhrifin eru enn illa kortlögð.
Hvað varðar losun gróðurhúsalofttegunda eru engin gögn tiltæk fyrir leikfangaiðnaðinn einan, en samkvæmt OECD er plastiðnaðurinn almennt með 3,4 prósent af heildarlosun plánetunnar.
LESTU EINNIG
